Kimbiji wasali kwenye banda la miti

-


WANAJUMUIYA ya Mtakatifu Yohane Mbatizaji Kijaka Parokia ya Kimbiji jijini Dar es salaam wametakiwa kutokata tamaa kutokana na mazingira magumu ya kuabudu.
  Rai hiyo imetolewa na Padri Thomas Laurent baada ya kuwatembelea wana jumuiya hao siku ya Dominika na kushuhudia mahali wanapoabudia ambapo ni banda la miti  lililopo katikati ya pori lililo wazi na kuezekwa kwa minyaa.
     Wakizungumza na gazeti la Kiongozi wanajumuiya hao wamesema ni kwa mda mrefu sasa wanasali katika kibanda hicho na hali hiyo inatokana na umbali mrefu uliopo kati yao na Parokia. Wamesema inawachukua takribani saa saba kutembea mpaka Parokiani jambo lililowapa ugumu na wakaamua kujenga banda hilo ambapo Padri hufika eneo hilo kwa gari kwa ajili ya Misa ya Ibada Takatifu.
  Naye mwenyekiti wa jumuiya hiyo Bi .Paulina Jeremia ameliambia gazeti la Kiongozi kuwa, wazo la kujenga banda hilo la kuabudia limeokoa waamini wa Jumuiya hiyo waliokuwa kwenye hatari ya kubadili imani yao kutokana na umbali na ugumu wa kushiriki katika ibada. Jumuiya hiyo yenye waamini zaidi ya 25 bado haijatambulika kuwa Kigango japokuwa ina kila kitu cha kutambuliwa kama Kigango.

       Aidha Padri Thomas amezitaka  Parokia na watu binafsi ndani ya Kanisa kuwasaidia wanajumuiya hao ili wapate mazingira mazuri ya kuabudia na pia amewataka waamini hao kujikwamua kwa hali na mali ili wapate kujenga angalau Kanisa dogo la matofali kwa kushirikiana na wadau (waamini) kutoka parokia nyingine.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more