Asilimia 70 ya walimu wanaidai serikali

-
IMEELEZWA kuwa asilimia 70 ya walimu wanaidai serikali ambapo kuanzia mwaka wa fedha 2013/2014 mpaka Desemba 2016, walimu walikuwa wanadai shilingi trilioni 1.185 sawa na trilioni 1.19.
Hayo yameelezwa na Kaimu Katibu Mkuu wa Chama Cha Walimu Tanzania CWT, Ezekiah Oluoch katika mkutano wake na waandishi wa habari hivi karibuni, na kubainisha kuwa madai hayo ya walimu yanaathiri shule kwa kuwa walimu wanapaswa kufanya kazi na akili zilizotulia, hivyo wanapokuwa na madeni mengi ari ya utendaji wao inashuka.
“Mchanganuo huu wa madeni umechangiwa kwa kiasi kikubwa na walimu waliostaafu ambao wako 6,044 ambao hawajalipwa shilingi bilioni 556 ambazo zinapaswa kulipwa na PSPF. Lakini PSPF imeshindwa kuwalipa kwa sababu serikali haijapeleka fedha za walimu hawa katika mfuko wa PSPF” ameeleza Ezekiah.
Aidha amesema kuwa walimu waliopandishwa madaraja mwaka 2016 ni 85,945 na wanadai shilingi bilioni 301, na kwamba deni linakua kila mwezi kwa kiwango cha bilioni 25 ambapo endapo halitalipwa hadi kufikia Juni 2017, deni litakuwa limeongezeka kwa shilingi bilioni 150.
Pia Ezekiah ameiomba serikali kuongeza walimu kwani kuna upungufu mkubwa wa walimu katika shule mbalimbali nchini ili hali kuna walimu waliohitimu mafunzo yao na hawajaajiriwa bado.

“Tuna upungufu mkubwa sana wa walimu shuleni. Hii inatokana na walimu elfu 40 wako mtaani wanasubiri ajira, serikali haijawaajiri kwa kigezo cha kuhakiki vyeti” ameeleza.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more