Askofu Minde azidua Jubilei ya miaka 100 ya Upadri Kahama

-
ASKOFU LUDOVICK Minde wa jimbo la Kahama amezindua rasmi Jubilee ya miaka 100  ya padri na kutoa wito kwa  mapadri kuupenda na kuuenzi  upadri wao ambao ni zawadi kutoka kwa Mungu.

Akihubiri  katika Misa Takatifu ya uzinduzi wa Jubilei hiyo iliyofanyika  hivi karibuni katika Kanisa Kuu la jimbo la Mtakatifu Karoli Lwanga Parokia ya Kahama mjini Askofu Minde amewasisitiza mapadri  kuutunza upadri kama lulu  uweze  kuonekana  katika utume wao kwa Kanisa.

Aidha amewakubusha mapadri wajibu wao na kuwataka  kuendelea kuomba neema  hiyo  ya kuupenda  zaidi upadri , kuuenzi  kwa sababu ni zawadi  kuu ya  milele toka  kwa  Mungu  aliyowajalia  ndani ya kanisa kwa kushirikishwa ukuhani huo.

“Mapadri wanahitaji kuombewa katika utume wao ili waweze kung’aa  kama mwanga  katika  dunia hii  katika  utumishi wao  wa uijilishaji  kwa kumunganisha mtu na mafumbo  ya  mbinguni wanapoazimisha misa .

Mapadri wameshirikishwa ukuhani huo kwa mfano wa Melkisedeki Kuhani Mkuu na kutoa wito kwa  waami  kuwaombea kwa sala, kuwatunza, kuwasaidia, kuwapenda na kuwapa ushirikiano  waweze kutimiza wajibu wao  katika  kumtumikia  Mungu kwenye maisha  yao,” amesisitiza.


Amesema kuwa, katika dunia ya sasa yenye utandawazi mapadri na watawa  wanakumbwa na  changamoto mbalimbali hivyo ni rahisi kutoka nje ya maisha yao na kufwata ya kidunia, hivyo   amewataka waamini walei kuwasaidia mapadri na watawa kuishi wito wao, waache kuwapotosha katika mambo mbalimbali ya ulimwengu.

Wakati huohuo katika Jimbo la Kahama , Askofu Minde ameadhimisha Misa Takatifu ya kuweka Nadhili za Kwanza za Utawa kwa Masista watatu wa shirika la Mabinti Masikini wa Bikira Maria iliyofanyika katika Parokia ya Jina Takatifu la Yesu, Bukombe.

Askofu Minde amewataka wazazi na walezi  katika familia  kuwaruhusu  watoto wanapokuwa na wito wa kumtumikia Mungu na kuwasaidia kufikia wito huo.

“ Ndugu zangu wazazi waruhusuni watoto kujiunga na maisha ya utawa pale Mungu anapowaita. Msiwachagulie miito kwani wito unatoka kwa Mungu pekee,” amesisitiza Askofu Minde.


Aidha askofu Minde katika kazi zake za kichungaji alitoa sakramenti ya kipaimara kwa watoto 581  wa Parokia ya Mtakatifu Stephano Shahidi na kusisitiza umuhimu wa mafundisho ya Kanisa  Katoliki kwa watoto ili wawe wafuasi imara wa  imani  kwa Yesu Kristo.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more