Mama Janeth Magufuli atoa msaada kwa wazee Tabora

-
Mke wa Rais wa Jamhuri ya Muungano Tanzania Awamu ya tano Mama Janeth Magufuli ametoa msaada wa vyakula na vitu mbalimbali kwa wazee na walemavu katika kijiji cha Amani Ipuli Tabora na kuwaomba wanatabora kuwa na moyo wa huruma kwa wazee na wahitaji.
Mama Janeth ametoa unga wa mahindi kilo 3521, mchele kilo 3125, maharage kilo 1250, mafuta ya kula , sabuni za kufulia, mafuta maalumu ya kupaka kwa watoto walemavu wa ngozi na vitu vingine muhimu kwa wazee wa kituo hicho.
Pia ametoa msaada wa vitu mbalimbali katika gereza la Mahabusu Tabora maarufu kama gereza la Zuberi.
Naye Katibu Tawala wa Mkoa wa Tabora Dr. Tea Ntara  amemuhakikishia Mama Janeth kuwa serikali ya mkoa imejipanga vizuri na hivyo misaada yote itawafikia kwa utaratibu na hakuna kitu kitakachopotea.
Wakati huo huo Mbuge wa Tabora mjini kupitia viti maalumu (CCM) Mwanne mchemba amemhakikishia Mama Janeth kuwa Chama Cha Mapinduzi kinaunga mkono juhudi za Mheshimiwa Rais Dr. John Pombe Magufuli  dhidi ya vita vya dawa za kulevya ambazo zinayoharibu vijana na Taifa hili.
Naye Afisa Ustawi wa Jamii Manispaa Tabora Baraka alitoa baadhi ya changamoto zinazokikumba kituo hicho cha wazee cha Amani, Ipuli na Tabora kuwa ni ukosefu wa usafiri, uchakafu wa majengo, vyoo vya kudumu na mabafu, upungufu wa wahudumu, uvamizi wa maeneo ya kijiji hicho na mavazi kwa wazee wanaoishi mahali hapo.
Mama Janeth Magufuli alifuatana na Mama Merry Majaliwa mke wa Mh . Waziri Mkuu  wote kwa pamoja wakiwahimiza  wananchi kuwa na moyo wa ukarimu kwa watu wenye shida.
Shughuli hiyo ya kutoa msaada kwa wazee na watu wenyeshida ilihudhuriwa na Naibu Waziri wa Afya na Mbunge wa Jimbo la Nzega Mh Hamis Kigwangala, Viongozi wa Serikali, Viongozi wa vyama vya siasa,  viongozi wa Dini na wanainchi wa manispaa ya Tabora.
Kituo hicho kilianzishwa mwaka 1969 kama kituo cha kulea wazee waliokuwa wametengwa na ndugu zao baada ya kupata ugonjwa wa ukoma sasa kipo rasmi chini ya Uangalizi wa Manispaa ukipokea watu wote waliotengwa na jamii zao.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more