"VIJANA WAJIKABIDHI KWA BIKIRA MARIA"

-




VIJANA wanaopokea Sakramenti ya Ekaristi takatifu wameshauriwa kujiweka katika tunza ya Bikira Maria ambaye ni tabenakro ya kwanza ya Kanisa hasa wakati huu Kanisa Katoliki ulimwenguni kote linapokaribia kuingia katika mwezi wa rozali takatifu ili mama Maria aweze kuwaombea katika maisha yao.
Wito huo umetolewa hivi karibuni na paroko wa parokia ya Mwili na Damu padri John Greyson katika ibada ya kutoa sakramenti ya Ekaristi takatifu kwa vijana 64 iliyofanyika katika Kanisa la Mwili na Damu lililopo Kola jimboni Morogoro.
Padri Greyson amesema kuwa ibada ya rozali takatifu ni msingi wa Kanisa ambao unamwezesha muamini kuungana na Yesu Kristo katika sala mbalimbali za Kanisa kwa heshima ya Bikira Maria mama wa ekaristi takatifu ili kupata neema ya utakataso.
Aidha padri Greyson ameyataja baadhi ya mambo yatakayowawezesha vijana hao kuungana na Yesu Kristo mojawapo ikiwa ni matendo ya huruma kwa kuwasaidia wahitaji, kujimega kama Yesu alivyojimega kwa ajili ya ukombozi wa mwanadamu.
“Msiache kuwa na ibada kwa mama huyu mwenye huruma awaombee na kusisitiza hilo  nitampatia kila mmoja rozali tano muwasisitize wana familia muungane nao katika kusali rozali takatifu, nawakumbusha msiache kuungama mnapoanguka dhambini, mnapoteza mastahili ya kupokea sakramenti ya ekaristi takatifu, ili kupata mastahili hayo lazima kupata sakramenti ya kitubio, hayo ndio maisha ya Ekaristi zingatieni hayo,” amesema padri Greyson.
Wakati huohuo padri Greyson amewahimiza wazazi na walezi wa watoto hao kuwasaidia na kuchochea imani ya Kanisa Katoliki katika familia zao, kwa kuwakumbusha kuwa Kristo ndiye tumaini lao na Mungu ndiye msaada katika maisha yao yote, waendelee kuungana na Mungu kamwe wasimuache kwa kuishi nje ya mafundisho ya Kanisa.
“Ndugu zangu wazazi na walezi watoto hawa wamejifunza mambo mengi ya kiimani na mazuri, na mimi ninawaomba muwasisitize wazingatie imani ya Kanisa Katoliki kama dira ya maisha yao, wajifunze hayo yote kwa kuona mifano adilifu ya maisha yenu, kwa maombezi ya mama Bikira Maria mama wa ekaristi takatifu awape nguvu wasipoteze huo muunganiko kwa kusaidiwa na ninyi wazazi,”  amesema padri Greyson.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more