SHIRIKA LA MABINTI WA MARIA LAPONGEZWA

-


PADRI  Alfred Lwamba wa Jimbo Kuu Katoliki Mwanza amelipongeza shirika la Masista la Mabinti wa Maria kwa kazi nzuri wanayofanya ndani ya Kanisa na kwa jamii yote kwani licha ya mambo ya kiroho  pia wamekuwa wakitoa  huduma nzuri kwenye  sekta ya elimu  na afya pamoja na kuwapatia malezi bora watoto wanaosoma katika shule zao.
Pongezi hizo amezitoa baada ya misa takatifu  kwenye sherehe ya ufunguzi wa jengo la utawala la ghorofa mbili la shule ya Sekondari ya Lumala iliyopo  Jimbo Kuu Katoliki Mwanza inayoendeshwa na shirika la Mabinti wa Maria ambako wamekuwa wakitoa malezi na elimu bora kwa watoto wanaosoma hapo.
Padri Lwamba amesema uwekezaji uliofanywa na shirika hilo  katika huduma za jamii hasa elimu na afya ni kwa maslahi mapana ya jamii na taifa kwa ujumla  na wamekuwa wakitimiza wajibu huo katika kuwalea watoto kimaadili mema na maarifa yatakayowasaidia baadaye katika  kulitumikia Taifa.
Amesema elimu inayotolewa katika shule ya Lumala kuanzia chekechea, msingi hadi Sekondari kidato cha nne ni elimu bora na malezi  mema ya  kiroho  kwa watoto wote  bila ubaguzi wa kidini.
Padri Lwamba amewahimiza wazazi na walezi kuwekeza zaidi katika kuwasomesha watoto kwa sababu wakitaka wawe madaktari, marubani, walimu na wataalamu mbalimbali ni lazima watumie fursa kuhakikisha wanawasomesha watoto.   
“Hata maadiko matakatifu katika Biblia yametwambia kuwa “ mshike sana elimu usije ukamwacha akaenda zake” kwa hiyo ndugu zangu wazazi na  walezi  tunawajibu wa kuwasomesha watoto waweze kupata elimu bora,” amesema padri Lwamba.
Nayo jamii ya Jimbo Kuu Katoliki Mwanza wamelipongeza shirika la Masista la Mabinti wa Maria lenye makao yake makuu Jimbo Kuu Tabora kwa kazi nzuri wananazofanya katika suala la elimu na malezi bora kwa watoto wanaosoma katika shule  hiyo inayoendesha shirika hilo.
Mzazi Erick Odhiambo ambaye pia ni Mwenyekiti wa ujenzi akiongea kwa niaba ya wazazi wenye watoto wanaosoma katika shule hiyo iliyopo parokia ya Ilemela katika Jimbo Kuu Mwanza ametoa pongezi kwa shirika hilo kwa kujenga shule hiyo na kutoa huduma za kiroho ikiwemo suala la elimu na malezi bora kwa watoto wao wanaosoma hapo.
Mwalimu Mkuu wa shule hiyo Benjamin Perman amewashukuru wazazi na walezi kwa ushirikiano wao mzuri na kuahidi  kuendelea kutoa elimu bora, malezi mazuri ya kiroho na kimwili kwa watoto wote bila kujali tofauti za kiimani.
Makamu Mama Mkuu wa Shirika la Mabinti wa Maria lenye makao makuu Kipalapala Jimbo Kuu Katoliki Tabora Sista Maria Evodia Lupagaro aliyemuwakilisha Mama Mkuu Theresia Sungi, amesema karama yao ni upendo, huruma na huduma na ameipongeza jamii na Serikali kwa ushirikiano wao kwa shirika wanapoihudumia  jamii.
Sista Lupagaro amesema wanaishukuru Serikali kwa kuwapatia kibali cha kuanzisha na kuendesha shule hiyo na imekuwa ikiwakagua na kuwapa miongozo mbalimbali kielimu katika kuendesha shule lengo likiwa kuwasaidia watoto wa Taifa la kesho.





Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more