WAAMINI OMBEENI TAASISI ZA KANISA- ASK. MSONGANZILA

-
n Na Veronica Modest Musoma
WAAMINI wa Kanisa Katoliki Jimbo Katoliki Musoma wamekumbushwa  kuombea taasisi zote za Kanisa zinazotoa huduma katika jamii ili ziweze kuendelea kutoa huduma hizo kwa jamii kiroho, kielimu na kiafya kwa kuwa lengo la taasisi hizo ni kumuhudumia mwanadamu bila ubaguzi.
Hayo yamesemwa  hivi karibuni na Askofu wa Jimbo Katoliki Musoma Mhashamu Michael Msonganzila wakati wa ibada ya kumshukuru Mungu kwa Parokia ya Kiabakari kwa kutimiza miaka 25 tangu kuzinduliwa rasmi mwaka 1992.
Askofu Msonganzila amewakumbusha waamini wa Jimbo hilo kuwa wanaposherehekea miaka 25 ya kuzaliwa kwa parokia yao wasisahau kuziombea taasisi zote zilizopo chini ya Jimbo na Parokia hiyo ya kiabakari ikiwemo shule, Zahanati na huduma zote za kuroho kwa kuwa kituo cha Kiabakari  ni kituo cha kikanda cha Lango la huruma  ambacho mahujaji  mbalimbali wanafika kwa ajili ya kusali na kutoa shukurani kwa Mwenyezi Mungu.
 “Huduma zinazotolewa na taasisi zetu zilizopo chini ya Jimbo letu la Musoma zina lengo la kumuhudumia mwanadamu, na ndiyo maana taasisi hizi zinahudumia bila ubaguzi na zinaitwa kumbakumba, hivyo nawaomba sana waamini tuweke mikakati wa kuwaombea watu wa mataifa ili waendelee kuziombea taasisi zetu” amesema Askofu Msonganzila.
Askofu Msonganzila amewaomba waamini kuhakikisha wanasimama imara katika imani yao, na kutokubali  majaribu waliyokumbana nayo ndani ya miaka 25 kuwakatisha tamaa katika kuitetea imani yao, kwa kuwa kila penye mafanikio kuna changamoto pia.
Amesema kuwa atajitahidi kuhakikisha ifikapo 2018 kituo cha hija cha Kiabakari  kinatangazwa kuwa kituo cha hija cha Kitaifa, baada ya kupata  baraka zote kutoka kwenye kikao cha Maaskofu  kitakachofanyika  hivi karibuni Jijini Dar Es Saalam.
 Kwa uapande wake Paroko wa Parokia ya Kiabakari Padri Wojciech Koscielniak amesema kuwa wanamshukuru Mungu kwa zawadi ya uhai kwa kusherehekea miaka 25 ya Parokia hiyo baada ya kutangazwa rasmi na Hayati  Askofu Justine Samba Agosti 21 mwaka 1992, ambapo katika risala yake aliomba siku moja kituo hicho cha hija kiweze kutangazwa kituo cha Hija cha Kitaifa kwa kuwa watu wa Mataifa mbalimbali wanafika katika kituo hicho kwa ajili ya kuhiji. 


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more