KANISA KATOLIKI KUBORESHA HUDUMA ZA AFYA NCHINI

-



IDARA ya Afya ya Baraza la Maaskofu Katoliki Tanzania (TEC) imefanya mkutano wa Mwaka ili kutathmini utendaji kazi pamoja na kujadili mbinu za kuboresha utoaji huduma za Afya katika hospitali na vituo vya Afya vinavyomilikiwa na Kanisa Katoliki nchini.
Mkutano huo umefanyia hivi karibuni katika Baraza la Maaskofu Katoliki Tanzania Kurasini jijini Dar es Salaam ukijumuisha Makatibu wa Afya Jimbo, madaktari wa hospitali zinazomilikiwa na  Kanisa Katoliki, wasimamizi na Wakuu wa Vituo vya Afya vya Kanisa Katoliki.
Akifungua mkutano huo Mwenyekiti wa Kamati ya Afya TEC Askofu Mkuu Jude Thadeus Ruwaich amesema kuwa anatumaini mkutano huo utaleta matokeo yenye tija katika kuboresha utoaji wa huduma ya afya kwa hospitali na vituo vya afya chini ya Kanisa Katoliki kwa wananchi.
Ajenda kuu ya mkutano huo ni "Kuimarisha uwezo wa Vifaa vya Afya katika hospitali na vituo vya Afya vya Kanisa Katoliki kutoa huduma  bora: Kutathmini uwezo, fursa, udhaifu, changamoto na kuangalia suluhisho" kwa lengo maalum la kubaini njia za ubunifu juu ya utoaji wa huduma za afya, upatikanaji wa huduma za afya bora, fedha ambazo ni moja ya mikakati ya kuendeleza mifumo ya utoaji wa huduma za afya na kuboresha mawasiliano kati ya TEC na taasisi za afya katika majimbo.

“Ni matumaini yangu kuwa majadiliano yetu yatatusaidia kufikiria kwa kiasi kikubwa juu ya kile tunachokifanya, jinsi tunavyofanya ili mwishowe tupate matokeo yaliyokusudiwa ambayo yanaboresha upatikanaji na ubora wa huduma za afya tunayozitoa.

Wakati wa mkutano wa mwaka jana, tulijitolea kuboresha upatikanaji wa huduma za afya bora katika taasisi za afya za Kikatoliki. Mkutano huu pia utajadili hali ya utekelezaji wa hatua za vitendo ambazo tulikubaliana wakati wa mkutano wa mwisho.

Nimeambiwa kuwa wakati wa mkutano wa mwaka huu, Tanzania Christian Madical Associations (TCMA) ilijadili pia changamoto ambazo tunakabiliwa nazo katika kutoa huduma za afya kwa jamii kama vile masuala yanayohusiana na rasilimali za afya, fedha, mikataba ya watumishi na ubora wa huduma. Pia ulipendekeza baadhi ya njia za kutatua.

Hivyo ninawahimiza kujadili kwa kina na kuzipitia ili kuhakikisha kuwa watu wote wanapata huduma bora za afya zinazotolewa katika Taasisi za Afya Katoliki.”

Mkutano huo umewashirikisha wakurugenzi wa afya majimboni, wakuu wa vitengo pamoja na wadau mbalimbali wa sekta ya afya wakiwemo wakurugenzi na wakuu wa Idara mbalimbali za Baraza la Maaskofu Katoliki Tanzania (TEC).
Baadhi ya maadhimio ya mkutano huo ni pamoja na kutumia teknolojia katika kukusanya mapato ya hospitali, kuzingatia maadili ya Kanisa Katoliki katika utoaji huduma, kuhamasisha wananchi kuwa na bima ya afya ili kuwa na uhakika wa kupata matibabu.
Aidha kuibua mikakati itakayohakikisha utoaji wa huduma za afya utakuwa endelevu na kuwa na majadiliano na serikali ili mpango wa kutoa huduma za afya  bure kwa makundi maalumu  yasiathiri Hospitali za Kanisa na vituo vyake kuendelea kutoa huduma za Afya kwa wananchi.



Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more