KUWENI WATU WA TOBA NA MSAMAHA: ASKOFU NZIGILWA

-

Na Philipo Josephat, DSM
ASKOFU Msaidizi  wa  Jimbo Kuu Katoliki Dar es Salaam, Mhashamu Eusebius Nzigilwa amewataka  waamini  wote kuyajongea  maisha  ya toba  na msamaha na  kufungua  vifungo  vya  visasi kwa  kumuomba  Mungu awasimamie katika maisha hayo.
Askofu  Nzigilwa  ameyasema  hayo katika mahubili kwenye adhimisho la Misa Takatifu  ya kutoa  sakramenti ya kipaimara  kwa  vijana 120 wa  parokia  ya Mt. Karoli Lwanga iliyoko  Yombo  Dovya jijini  Dar es Salaam.
“Kristo  ametutangazia ya kuwa  viwete  wanaweza  kutembea, vipofu  wapate  kuona na viziwi  wapate  kusikia kwa  uponyaji  kupitia  mwanga  wa  msamaha. Nawaomba tujenge utamaduni wa kusameheana,” amesema.
Ameongeza kuwa, mtu akimuingia  Kristo kwa   uthabiti ni lazima ataona  mabadiliko  ndani ya nafsi yake.
Amewataka waimarishwa  wa  kipaimara wawe  mabalozi  wa upendo  mahiri popote  watakapo  kwenda  kwa kuiishi  imani ya Kristo “Mkayatumie  vizuri  mapaji  ya Roho  Mtakatifu  kwa  kuiishi  na kuishika  imani, nanyi  wazazi  muwalee vizuri  watoto hawa kwa  kuwafundisha  na kuwakumbusha yaliyo  mema na  kuwashirikisha  kazi  mbalimbali za Kanisa, ’’amesema Askofu Nzigilwa.
Kwa  upande wake  Mwenyekiti   wa parokia  hiyo, Rosemary Kasongo amewaomba wazazi  na wasimamizi  wa  watoto waimarishwa waendelee kuwa  bega kwa bega  na watoto ili  wasipotee kwasababu  mara nyingi  watoto  wanapokuwa wamepokea  sakramenti  hiyo hupotea  ndani  ya  Kanisa na huonekana  pale  tu  wanapohitaji  kufunga  ndoa.
Katika  hatua nyingine  waamini  wa vigango  vya Mbutu na Ngobanya katika  Parokia  ya  Kimbiji jijini Dar es Salaam wameshindwa  kujizuia  kudondosha  machozi  baada ya  Paroko  Msaidizi wa parokia  hiyo Padri  Justus Lugayimkamu  kuwaaga  katika  parokia  hiyo ambapo mwezi huu anatarajia kuhamishwa  na kupelekwa  mahali  atakapopangiwa kufanya utume.

Padri  Lugayimkamu amehudumu kama  Paroko  Msaidizi  parokiani  Kimbiji kwa miaka  mitatu na  ushirikiano  mzuri  aliokuwa  nao kwa  waamini umewafanya  watoe  machozi.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more