WANANCHI WATAHADHARISHWA KUTOVAMIA MAENEO YA KANISA

-
n Na Veronica Modest, Musoma

WAnanchi wanaoishi jirani na maeneo yanayomilikiwa na Kanisa Katoliki kwa ajili ya kutoa huduma mbalimbali zikiwemo za kiroho, na kijamii wametakiwa kutoingilia mipaka ya maeneo hayo kwa kuwa maeneo hayo yalitolewa kwa mujibu wa kanuni, sheria na taratibu.
 Baadhi ya maeneo ya Kanisa yamekuwa yakiingia katika migogoro mikubwa na wananchi wanaoishi kuzunguka maeneo hayo, kutokana na watu kuvamia na kujenga pasipo kujua au wakijua kuwa eneo hilo tayari lilishanunuliwa na Kanisa kwa ajili ya kutoa huduma katika jamii na hatimiliki zikiwepo zinazoonyesha ukubwa wa eneo, lakini viongozi wa vijiji husika wamekuwa wakigeuka na kusema kuwa Kanisa ndio linalochukua maeneo ya wananchi.
 Hayo yamesemwa hivi karibuni na Askofu wa Jimbo Katoliki Musoma Mhashamu Michael Msonganzila wakati wa Misa Takatifu ya Kumshukuru Mungu kwa shirika la Marist Brother kutimiza miaka 200 tangu lilipoanzishwa mwaka 1817, miaka 25 ya uwepo wa shirika hilo hapa nchini Tanzania katika kijiji cha Masonga na miaka 25 ya shule ya Sekondari ya Masonga pamoja na parokia ya Masonga tangu zianzishwe, Misa iliyofanyika katika shule ya Masonga jimboni hapa.
 Askofu Msonganzila amesema kuwa  mashirika ya kitume yanapokuja nchini hayaji kunyang’anya wananchi maeneo yao, bali lengo lao linakuwa kuwahudumia wananchi ambao ndio kusudio lao kubwa, hivyo  kwa vile  Kanisa linakuwa na maeneo makubwa ambayo wanakuwa wameshayanunua mapema ndio maana wanawaruhusu kujenga kwa  ajili ya kutoa huduma kwa jamii na hasa katika maeneo yaliyoachwa nyuma kimaendeleo na ndio maana shirika la Marist Brother walipofika Masonga walianza kutoa huduma ya kiroho na elimu dunia kwa maana kuwa ndio walioanzisha shule ya Sekondari ya Masonga na eneo hilo lilikuwa nyuma kielimu.
 “Hivi karibuni nilikuwa huku kwa masuala ya migogoro ya ardhi, wananchi wanasema kijiji kililiuzia Kanisa eneo hili kinyemela wakati kwenye hati ya eneo hili inaonyesha mwanzo wa eneo hadi mwisho, na niwaambie kabisa huduma wanazozitoa hawa mabruda zitakuwa nzuri kama mahusiano yenu baina ya wananchi na viongozi wa vijiji vinavyozunguka shule hii yatakuwa mazuri.
“Ombi langu kwa viongozi wa vijiji na Wilaya hii ya Rorya naombeni sana tuache mizozo ya viwanja, ambayo inasababisha huduma zisiendelee au zicheleweshwe na sisi hapa Masonga tupo pembezoni kabisa, na Marist hawa wametoka mbali kuja kutusaidia kimaendeleo, naomba tuwape nafasi  jaza ujazwe, tuwajaze maeneo ili tufaidike zaidi, viongozi wa Serikali toeni  mwanya ili huduma za jamii zinazoletwa na hawa watu wa mbali ziweze kutuletea maendeleo,” amesema Askofu Msonganzila.
Reman Osca mwakilishi wa shirika hilo kutoka nchini Mexico amesema kuwa wao walikuja kusaidia jamii ya Masonga ambayo ipo pembezoni kabisa na ilikuwa imeachwa nyuma kimaendeleo hususani kielimu, na kwa sasa jamii iko vizuri kielimu na kiroho.
Kwa upande wake mkuu wa shule hiyo ya Masonga Br Valerian Stephen Kalendelo ambaye ndiye mwafrika wa kwanza tangu kuanzishwa kwa shirika hilo hapa nchini Tanzania, amesema kuwa shule hiyo kwa sasa ina wanafunzi 470 na mwaka huu wanaotarajia kufanya mtihani wa kidato cha nne wapo 67 na  kuna shule maalum ambayo ina watoto 21 viziwi, ambapo hadi sasa wanahitaji kujenga majengo mengine kwa ajili ya kupanua huduma wanazozitoa lakini wananchi wamezuia kwa madai kuwa eneo wanalotaka kujenga ni la wananchi, kwa madai kuwa Serikali ya kijiji ililiuzia Kanisa eneo hilo kinyume na taratibu.



Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more