Yesu hana mbadala wake: Askofu Nyaisonga

-

Na Emanuel Mayunga Sumbawanga
Padri Albert Twenya wa Jimbo Katoliki Sumbawanga na Sista Priscilla Ndegeya wa shirika la masista wa Maria Mtakatifu Malkia wa Afrika wamezikwa Novemba 9 mwaka huu, huku wakiacha simanzi kubwa wa waamini wa Jimbo hilo.
Akiongoza ibada ya mazishi iliyotanguliwa na Misa Takatifu ya kuwaombea marehemu hao, Askofu Gervasi Nyaisonga wa Jimbo Katoliki Mpanda amempa  pole Askofu Damian Kyaruzi, mapadri, watawa na waamini wa Jimbo Katoliki Sumbawanga kwa msiba huo akiwataka kuhuzunika kwa imani wakipokea mapenzi ya Mungu kwa unyenyekevu.
 “Yesu hana mbadala wake na hivyo kila tunachokifanya katika imani yetu tuzidi kushikamana naye tukiwa hapa duniani kwa kufuasa mafundisho ya Mama Kanisa na kuiishi imani kila mmoja kwa nafasi yake,” amesema Askofu Nyaisonga.
Amewataka waamini kuiishi misingi ya Imani ya Kanisa Katoliki na kufuata mwongozo wa kiliturujia kadiri ya mafundisho ya Mama Kanisa kwani Yesu Kristo hana mbadala wake .
Marehemu  Padri Albert Twenya amefariki dunia Novemba  7 mwaka huu mjini Sumbawanga kutokana na maradhi ya mda mrefu akiwa na miaka 59 ya kuzaliwa na miaka  34 ya upadri.
Sista Priscilla Ndegeya amefariki dunia Novemba 6 mwaka huu akiwa na umri wa miaka 89 ambapo wote kwa pamoja wamezikwa katika makaburi ya mapadri na watawa Katandala jimboni Sumbawanga.
 Ibada hiyo ya mazishi ilihudhuriwa na mamia ya waamini akiwemo Askofu Damian Kyaruzi wa Jimbo Katoliki Sumbawanga na Abate Pambo Martin Mkorwe OSB wa Abasia ya Roho Mtakatifu Mvimwa.
Raha ya milele uwape ee Bwana na mwanga wa milele uwaangazie wapumzike kwa amani, amina!


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more