Kardinali Pengo awapongeza waamini Kiwalani

-
Na Philipo Josephat, DSM

ASKOFU Mkuu  wa Jimbo Kuu Katoliki Dar  es  Salaam Mwadhama Polycarp Kardinali Pengo amewapongeza  waamini, viongozi  na  watu  binafsi  wa Parokia  ya Mt. Kamili  Yombo  Kiwalani kwa kufanikisha ujenzi wa nyumba  mpya  na  ya kisasa  ya  mapadri  parokiani  hapo.
Akizungumza  mara baada ya uzinduzi wa  nyumba hiyo, Kardinali Pengo amesema yeye binafsi  alitumia miezi 6 kukamilisha ujenzi  wa gereji yake ya kuhifadhia magari, lakini anashangaa moyo wa  waamini wa Kiwalani  wa  kujitoa kuijenga  nyumba  nzuri  na  ya ghorofa  kwa  muda mfupi.
Amewapongeza wote walioshiriki kwa hali na mali katika mchakato mzima mpaka uzinduzi wa nyumba ya mapadri, huku akiwaasa kuendelea na moyo wa upendo na kumshirikisha Mwenyezi Mungu.
Kardinali  Pengo  ametoa vyeti kwa watu binafsi waliochangia kukamilika kwa nyumba hiyo kwa niaba  ya viongozi wa parokia ambapo  vyeti  vingine vitatolewa  hapo  baadaye kwa  makundi  mbalimbali.
Awali, katika mahubili yake kwa vijana waliopokea Sakramenti ya kipaimara, Kardinali Pengo amewataka  vijana hao kumtangaza  Kristo  ya kuwa amefufuka  kweli.
“Mkristo  yeyote anapokuwa  hana  Yesu  kwenye  moyo  wake, ni msingi mkubwa  wa  kuwa na  wasiwasi,  hivyo maisha yenu yote yaongozwe na  kulindwa na ukweli kwamba Yesu  yupo  rohoni  mwenu kwa  njia  ya roho  anayetenda kazi,” amesema.
Mwenyekiti wa parokia hiyo, Robert Bamwebuga na viongozi wa  walei  parokia wamemshukuru Kardinali Pengo  kwa  kuitikia  wito wa  kufika parokiani hapo kwa ajili  ya  kutoa sakramenti ya  kipaimara kwa  vijana 109 pia kuzindua nyumba ya mapadri.
Kwa  upande  wake  Mwenyekiti wa  Kamati  ndogo  ya ujenzi ambayo  ilisimamia  ujenzi  wa nyumba  hiyo, Justus Bashara,  amesema nyumba  hiyo  imegharimu takribani  shilingi Mil. 187 mpaka kukamilika kwake. Amewashukuru wote waliojitoa kwa  ajili  ya  ujenzi  huo.

Paroko  wa parokia  ya  Mt. Kamili padri Festo Liheta ametoa shukrani  za  dhati  kwa  waamini  wote tangu  mwanzo  wa  ujenzi  hadi kukamilika kwake, pia amemshukuru  Askofu  Mkuu  Mwadhama  Polycarp Kardinali Pengo kwa kufika  parokiani hapo.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more