KUELEKEA MAHAFALI YA 19: SAUT YAJIVUNIA ELIMU BORA

-


CHUO KIKUU cha Mtakatifu Agustino (SAUT) cha jijini Mwanza kimeendelea kusifiwa kwa kutoa elimu bora hasa kwa njia ya vitendo kwa wananchi ndani na nje ya Tanzania.
Hayo yamebainika zikiwa zimesalia siku chache kabla ya chuo hicho kusherehekea mahafali yake ya 19 tangu kuanzishwa kwake mwaka 1998.
Afisa Uhusiano wa chuo hicho Living Komu akizungumza na gazeti la Kiongozi amesema kuwa SAUT ni chuo cha kujivunia kwa wanafunzi wote waliopita hapo kwa maana ni chuo kitoacho wanafunzi bora kitaaluma na kimaadili.
‘Ili uweze kutambulika na kuheshimiwa ni lazima uwe na nidhamu njema na pia taaluma iliyotukuka, hivyo kama chuo kinajitahidi na kimeweza kufanya kadri ya uwezo wake kuzalisha wanafunzi wenye vigezo bora vya kuuzika katika soko la ajira ya sasa na hata baadaye ndani na nje ya Tanzania,’ amesema Komu.
Amewakumbusha wanafunzi wote ambao wanakwenda kuhitimu katika mahafali ya 19 kuwa ni vyema watumie elimu na nidhamu waliyofunzwa hapo chuoni na kuwa kioo kizuri katika jamii.
Pia ameongeza kwa kusema kuwa wanafunzi wanaokwenda kuhitimu waendelee kupitia katika mitandao mbalimbali ya chuo kwa ajili ya kufuatilia taarifa zitolewazo kuelekea katika mahafali hayo ili kuwa na taarifa kamili na kufahamu utaratibu mzima.
Hata hivyo ameongeza kuwa wanafunzi wanaoendelea na masomo yao katika chuo hicho waendelee kusoma kwa bidii na juhudi zote na pia kuendeleza nidhamu ya chuo ili kutekeleza malengo na madhumuni ya maaskofu wa Baraza la Maaskofu Katoliki Tanzania (TEC) walipoanzisha chuo hicho kwa lengo la kutoa vijana wenye elimu njema na nidhamu bora.
Ametumia fursa hiyo pia kuwakaribisha ndugu na jamaa katika maonesho ya SAUT jamii (Community Day) yanayojumuisha wanafunzi na walimu wa vitivo vyote vya chuo hicho ambapo maonesho hayo huwa ya kitaaluma na huwa na mafunzo kwa jamii nzima ambapo yanatarajiwa kufanyika tarehe 6 Disemba 2017.
Hata hivyo chuo hicho kikuu cha SAUT kimewakaribisha wananchi katika mahafali yake ya 19 yatakayofanyika chuoni hapo tarehe ya 8 na 9 Disemba ambapo kinategemea wageni zaidi ya 6,000 kuhudhuria sherehe hizo ambazo zimechochewa na muamko wa wahitimu wengi wanaomaliza katika chuo hicho.
Chuo Kikuu cha Mtakatifu Agustino kinamilikiwa na Baraza la Maaskofu Katoliki Tanzania (TEC) ambapo chuo hicho kimefanikiwa kuzalisha idadi kubwa ya wanafunzi wa ndani na nje ya nchi kwa kutoa elimu bora na endelevu kwa jamii bila ubaguzi.
Katika mahafali yake ya 19 tangu kuanzishwa kwake, takribani wanafunzi 2000 watatunukiwa shahada, astashahada na shahada ya uzamivu katika vitivo mbalimbali.


Na George Alexander, Mwanza


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more