‘Msiwabague mnaowatumikia’

-

·     



SFUCHAS yaendelea kuwezesha jamii maskini Tanzania

Na Pascal Mwanache, Ifakara
WANATAALUMA na wadau wa maendeleo nchini wametakiwa kuiga mfano wa jitihada zinazofanywa na Kanisa Katoliki nchini za kutoa huduma za kijamii kwa watu wote hasa wa vijijini bila kujali dini, kabila au ukanda.
Hayo yameelezwa na Mkuu wa Mkoa wa Morogoro Dkt. Kebwe Steven Kebwe katika Mahafali ya tatu ya Chuo Kikuu Kishiriki cha Sayansi za Afya cha Mtakatifu Fransisko Ifakara (SFUCHAS) yaliyofanyika Novemba 11 chuoni hapo ambapo takribani wataalamu wa Sayansi za Afya 256 wamehitimu.
Dkt. Kebwe amesema kuwa SFUCHAS imekua mstari wa mbele katika kutatua changamoto za uhaba wa wataalamu wa afya nchini kwa kuwa wataalamu wengi wanaozalishwa na chuo hicho wanakuwa tayari kufanya kazi katika maeneo ya vijijini ambako kuna uhitaji mkubwa wa wataalamu wa afya.
“Huu ni mwendelezo wa kazi iliyofanywa na wamisionari. Itakumbukwa kuwa wakoloni waliweka huduma za jamii sehemu walizokuwa na maslahi nazo. Lakini ninyi mnafanya kinyume, mnatoa huduma bila ubaguzi, kwa watu wote na maeneo yote” ameeleza Dkt. Kebwe.
Ameweka wazi kuwa SFUCHAS inafanya kazi kubwa ya kutatua changamoto ya uhaba wa wataalamu wa afya vijijini ikizingatiwa kuwa asilimia 70 ya wataalamu wa afya  hasa wafamasia na madaktari wapo Dar es salaam. Amewahimiza wahitimu waendelee kuwa mfano wa kuigwa kwa kufanya kazi kwa bidii ili kuendana na kasi ya serikali ya awamu ya tano, na kuakisi malezi bora waliyoyapata chuoni hapo.
Kwa upande wake Askofu wa Jimbo Katoliki Ifakara Mhashamu Salutaris Libena amesema kuwa mafanikio ya chuo hicho ni mwendelezo wa jitihada za Baraza la Maaskofu Katoliki Tanzania (TEC) za kuwekeza katika chuo hicho kitaaluma na kimiundombinu.
Askofu Libena ambaye aliongoza Misa Takatifu iliyotangulia mahafali hayo amewataka wahitimu hao wakawe wawakilishi wema kwa kuiishi taaluma na viapo vyao na kuzingatia maadili na kumpendeza Mungu.
“Tumekusanyika ili tuwatume vijana wetu hawa. Mahafali maana yake ni kuutangazia ulimwengu kuwa huyu anayetunukiwa cheti au zawadi hana deni pale chuoni. Tunawatuma kwenda duniani kote kwenda kutoa huduma kwa watu wote kama mlivyofundishwa mkiwa chuoni” ameeleza Askofu Libena.
Sherehe za mahafali ya chuo hicho zimeenda sambamba na uzinduzi wa mradi wa ujenzi wa mabweni ya wanafunzi na Chuo cha Meno (Dental School) na kuweka jiwe la msingi katika jengo liitwalo Askofu Agapiti Ndorobo.
Kwa mujibu wa taarifa fupi iliyotolewa na Makamu Mkuu wa Chuo hicho anayeshughulikia Mipango, Fedha na Utawala Padri Archilleus Ndege, jengo la Askofu Agapiti Ndorobo linajengwa kwa lengo la kufanikisha mafunzo ya wataalamu wa afya maeneo ya vijijini ili wakishahitimu wawe tayari kufanya kazi maeneo ya mbali na miji.
Jengo hilo lina vyumba vikubwa kumi na nne ambavyo vitatumika kwa shughuli za kumbi za kufundishia, maabara 2 na darasa la kufundishia teknolojia ya habari na mawasiliano-TEHAMA. Aidha taarifa hiyo imeeleza kuwa ekari kumi zitatumika kwa ajili ya ujenzi wa mabweni ya ghorofa 4 mawili yenye vyumba 72 kila moja, jengo la maktaba, jengo la utawala, madarasa, shule ya meno, mgahawa pamoja na maduka.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more