VYOMBO VYA HABARI VYA KANISA KATOLIKI KUWA NA SAUTI MOJA

-

Redio,magazeti,mitandao ya kijamii na luninga zinazomilikiwa na baraza la maaskofu katoliki Tanzania TEC,sasa vitaanza kushirikiana katika kutoa habari zenye maudhui yanayofanana ili kuifikia hadhira kubwa zaidi na kwa haraka zaidi.Sasa vyombo hivyo vitasaidiana katika kuandaa habari,vipindi,makala na kushirikiana kwa kubadilishana uzoefu,utaalamu na utendaji kazi.Lengo kubwa ni kueneza injili kwa jamii kubwa zaidi,kuyafikisha kwa jamii mambo yanayofanywa na kanisa kuisaidia jamii na kuelimisha.Makubaliano haya yamefikiwa katika mkutano mkubwa wa mwaka wa mawasiliano ulioandaliwa na kurugenzi ya mawasiliano TEC na kuwashirikisha wakurugenzi wa habari majimboni,wakurugenzi wa redio za kanisa,waalikwa kutoka AMECEA pia Mwenyekiti wa kamati ya mawasiliano Askofu Bernadin Mfumbusa.

Comments

  1. mpanji tvTuesday, June 27, 2017 6:41:00 PM

    jambo hili ni jema na la heri ambalo kwanza litaweza kusaidia hata majimbo ambayo bado havina media,pili resources haba za waandishi na pia ujumbe wa Mababa ama matukio ya kikanisa yanaweza kusambaa kwa wakati mmoja katika vyombo mbalimbali vya kanisa na kuifikia jamii kwa wakati mmoja,hongereni sana wakurugenzi kwa uamuzi huu mlioufikia mapema mwanzoni mwa mwaka huu na kikubwa tuombe utendewe kazi katika media zetu

    ReplyDelete
  2. Adolf LuhangaWednesday, December 13, 2017 11:15:00 PM

    Safi sana.Mkakati huu utavisaidia vyombo vyetu habari vya Kanisa kufanya kazi zake za upashanaji wa habari kwa ufanisi mkubwa.Hatua hii itasaidia kubadilishana uzoefu miongoni mwa watendaji. Kwa mwelekeo huu jumuiya ndogondogo nyingi za kikristo zitafikiwa na kufanya kazi ya kuipeleka injili kwa kila kiumbe kuwa rahisi zaidi.

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more