"MAPADRI MSIKATISHWE TAMAA" ASKOFU PAULO RUZOKA

-

MHASHAMU Baba Askofu Mkuu Paulo Ruzoka wa Jimbo kuu Tabora amewaomba mapadri wote nchini kutoa huduma zao kwa waamini bila kuchoka wala kukata tamaa na daima wao waseme sisi ni watumishi tusio na faida tumefanya tuliyopaswa kufanya.

Askofu Ruzoka ametoa rai hiyo wakati wa Adhimisho la Misa Takatifu aliyoiadhimisha katika kanisa la kuu la jimbo la Mtakatifu Theresia wa mtoto Yesu Tabora.

Akihubiri,Askofu amesema mapadri hawana budi kudumu kwa uaminifu hasa juu ya ahadi walizoweka wakati walipopewa Sakramenti ya upadrisho.

Aidha katika ibada hiyo ya Misa Takatifu mafuta ya wagonjwa,wakatukumeni na Krisma takatifu yalibarikiwa.

“Mafuta haya tunayoyabariki ni zana za kazi hivyo mapadre wayatumie katika kuhudumia waaamini,wapange vizuri ratiba zao za utume ili waweze kuwatembelea wagonjwa kusikiliza matatizo yao na kuwapa huduma ya sakramenti ili kuwapa matumaini na uhakika wa safari yao yakumrudia Muumba wao”.

Kuhusu mwaka wa Huruma ya Mungu ameshauri kila muumini anapaswa kutumia mwaka huu  kuona na kuonja Huruma ya Mungu kwa wanadamu na kuwa tayari kuipeleka huruma hiyo kwa wengine akibainisha kuwa huu ni mwaka wa kupatana na kufanya toba ya kweli.
 
Askofu Ruzoka pia amesema majuma sita ya kwaresima ni kipindi ambacho waamini wanapaswa kutafakari kwa kina kuhusu ufuasi wao kwa Kristu;
Aidha amesema wanadamu wanapaswa kuwa na moyo wa shukrani katika mafaniko yoyote kwani Mungu ndiye mweza wa yote.

“Tuwe tayari kumuomba radhi Mwenyezi Mungu pale tulipofanikiwa na kudhani tumeweza yote kwa uwezo wetu na ubunifu wetu”.

Askofu Ruzoka amesema mwanadamu anapokutana na changamoto asikate tamaa bali ajue hayuko peke yake bali yupo na Kristu na kusanyiko kama hili ni vema liwe la kutiana moyo katika utume na kusaidiana bila kuhubiria wengine wakati wao wakiangamia.

Askofu Ruzoka amewatia moyo mapadri kutokata tamaa pale wanapotafsiriwa tofauti na walivyo bali watambue kuwa hata Kristu hakupendwa na wote,ndiyo maana akateswa na kufa msalabani.

Ibada hiyo ya Misa imehudhuriwa na mapadri,watawa,waseminaristi wakubwa(Kipalapala seminari)na waamini wa parokia ya Mtakatifu Theresia wa Mtoto Yesu na parokia za jirani.





Na pd MamboT 



 Baadhi ya waamini wakishiriki Ibada ya Misa takatifu katika kanisa la kiaskofu Tabora.Na pd Mambo T.

 Mhashamu Baba Askofu Mkuu Paulo Ruzoka muda mfupi kabla ya kuanza maandamano. Na pd Mambo T

 Mhashamu Baba Askofu Ruzoka akichanganya manukato  katika mafuta ya Krisma takatifu. Na pd.Mambo T.

Mhashamu Baba Askofu Ruzoka akipokea mafuta matakatifu.

Wanakwaya wa kwaya ya Watakatifu mashahidi wa Uganda , Tabora

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more