JUMAPILI YA 4 YA KWARESIMA SIKU YA KUCHANGIA JUBILEI YA MIAKA 150 YA UINJILISHAJI

-
Na Sarah Pelaji, Dar es Salaam
wAKATI Kanisa Katoliki nchini linajiandaa kushurehekea Jubilei ya miaka 150 ya Uinjilishaji Tanzania Bara,  Baraza la Maaskofu Katoliki Tanzania (TEC) limetangaza kuwa, Dominika ya 4 ya Kwaresima mwaka huu, yaani  11 Machi 2018, sadaka zote za Misa Takatifu za siku hiyo kwa nchi nzima (vigango, parokia, Majimbo yote Tz) zitakusanywa na kuwasilishwa TEC ili kusaidia maandalizi ya maadhimisho ya Jubilei hiyo.
Askofu Msaidizi wa Jimbo Kuu Katoliki Dar es Salaam Mhashamu Euzebius Nzigilwa amesema kuwa hayo ni maazimiao ya  Mkutano wa TEC wa Januari 25 mwaka huu .
Kauli mbiu ya Jubilei hiyo ni ‘Miaka 150 ya Uinjilishaji, Furaha ya Injili.’
“Machi 11 mwaka huu yaani Jumapili ya 4 ya kwaresima (Laetare) hakutakuwa na michango mingine yoyote ya kiparokia siku hiyo. Sadaka yote ya kwanza na ya pili ikusanywe na kupelekwa Jimboni ili iweze kuwasilishwa Taifani.
Pia jumapili hiyo itumike kwa ajili ya kuhamasisha  waamini juu ya maadhimisho ya Jubilei hiyo ambayo kilele chake ni Oktoba 7 mwaka huu huko Bagamoyo badala ya Oktoba 2 mwaka huu kama ilivyokuwa imetangazwa awali,” ameeleza Askofu Nzigilwa.
Aidha ameeleza kuwa, Mapadri, Watawa na Waamini wote wanaalikwa kujiandaa na kushiriki kwa ibada na hija; na kwa hali na mali katika maadhimisho ya Jubilei hiyo katika ngazi ya Parokia, Jimbo, Kanda (Metropolitan) na Kitaifa.
Aidha, Makundi mbalimbali ya Familia ya Mungu yanatakiwa kufanya maadhimisho ya Jubilei hiyo katika ngazi ya Jimbo katika muda tofauti.
Vijana wanapaswa kufanya  maadhimisho yao Machi 25 mwaka huu, watawa April 8 mwaka huu, Wazee April 15 mwaka huu na Walei Mei 20 mwaka huu.
Aidha watoto wanapaswa kufanya maadhimisho yao Juni 3 mwaka huu, Jumuiya ndogondogo Julai 8 mwaka huu, Vyama vya Kitume Agosti 12 maka huu na Mapadri Septemba 2 mwaka huu ndipo makundi hayo yote yataungana kwenye kilele Oktoba 7 mwaka huu Bagamoyo.
Tarehe za maadhimisho hayo ya makundi ni kwa nchi nzima.
 Waamini wanahimizwa kusali Sala Maalum ya Jubilei katika parokia, jumuiya na katika vyama vyao vya kitume.
Askofu Mkuu wa Jimbo Kuu Katoliki Dar es Salaam Mwadhama Polycarp Kardinali Pengo amesisitiza waamini wa Jimbo Kuu Katoliki Dar es Salaam  kushiriki vema na kufanya utekelezaji wa maagizo hayo ili kufanikisha jubilee hiyo.
Amewaasa hasa wale walengwa wa kufanya maadhimisho ya makundi maalumu, walezi na viongozi wao wamuone mapema iwezekanavyo kueleza namna watakavyoshiriki pamoja na mapendekezo ya mahali yatakapofanyika maadhimisho hayo.

Kamati Kuu ya maandaliazi ya Jubilei hiyo kitaifa imewasihi maparoko kuhimiza waamini wao juu ya Jubilei hiyo na kushiriki kwa wingi katika maadhimisho ya makundi na maadhimisho ya kilele huko Bagamoyo Oktoba 7 mwaka huu.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more