PAPA HANA SABABU YA KUANZISHA VITA VYA KIDINI

-

Padre Federico Lombardi msemaji mkuu wa Vatican anakiri kwamba, hija ya kitume ya Baba Mtakatifu Francisko nchini Armenia kuanzia tarehe 24- 26 Juni 2016 imekuwa na mafanikio makubwa na kwamba, ilijikita katika mambo makuu matatu: kwanza kabisa Baba Mtakatifu amepata fursa ya kuweza kukutana na kuzungumza na familia nchini Armenia na kwamba, wananchi wamefurahishwa sana na uwepo wa karibu wa Baba Mtakatifu katika maisha yao. Imekuwa ni nafasi ya kufanya rejea katika utajiri mkubwa unaofumbatwa katika historia ya wananchi wa Armenia na kwamba, sala ya kiekumene ni kati ya matukio makubwa yaliyogusa watu wengi wakati wa hija ya kitume ya Baba Mtakatifu nchini Armenia.
Padre Lombardi anakaza kusema, dhana ya Uekumene, Ukarimu, Umoja na Udugu ni fadhila ambazo zimeshuhudiwa na Patriaki Karekin II katika kipindi cha siku tatu za uwepo wa Baba Mtakatifu Francisko katika makazi yake. Kuna matukio makubwa yaliyopamba hija ya Baba Mtakatifu huko Armenia ambayo yataendelea kukumbukwa na wengi katika mchakato wa kujenga na kudumisha umoja miongoni mwa Wakristo, ushuhuda wa uekumene wa damu na huduma makini kwa familia ya Mungu. Baba Mtakatifu ameweza kushiriki katika Liturujia Takatifu na kuonja utajiri wa maisha ya kiroho unaofumbatwa katika maadhimisho haya.
Hatima ya yote ni tamko la pamoja lililotolewa na Baba Mtakatifu Francisko na Patriaki Karekin II linalowataka Wakristo kushikamana ili kushuhudia na kutangaza Habari Njema ya wokovu kwa watu wa mataifa sanjari na kukabiliana na changamoto mbali mbali zinazojitokeza katika ulimwengu mamboleo! Baba Mtakatifu Francisko katika hotuba zake nyingi amekazia kwa namna ya pekee umuhimu wa Makanisa kuendelea kujikita katika nchakato wa majadiliano ya kiekumene na kidini; ili kuimarisha nia na umoja wa Wakristo, tayari kuanza hija ya kuelekea katika maadhimisho ya Fumbo la Ekaristi Takatifu kwa pamoja.
Padre Lombardi anakiri kwamba, hii ni hatua muhimu sana katika mchakato wa majadiliano ya kiekumene kwa Kanisa la Kitume nchini Armenia. Lakini, ikumbukwe kwamba, waamini wa Kanisa Katoliki ni wachache kwa idadi nchini Armenia, lakini inashiriki kikamilifu katika maisha ya familia ya Mungu nchini Armenia hususan katika huduma kwa maskini na wale wanaosukumizwa pembezoni mwa jamii, kielelezo cha imani tendaji. Imekuwa ni sherehe kubwa kwa Waarmenia wanaoishi ndani na nje ya Armenia, kumbe, Baba Mtakatifu kati yao amekuwa ni Mhudumu wa Injili ya Kristo na mjumbe wa amani.
Padre Lombardi akijibu shutuma nzito zilizotolewa na Serikali ya Uturuki dhidi ya Baba Mtakatifu Francisko aliyetumia neno la “mauaji ya kimbari” dhidi ya wananchi wa Armenia anasema hapa jambo la msingi ni kwamba, ukweli na nia njema ya Baba Mtakatifu inapaswa kuzingatiwa na kuheshimiwa. Baba Mtakatifu hana sababu ya kuanzisha vita ya kidini, bali ni kutaka Jumuiya ya Kimataifa kutambua mateso na mahangaiko ya wananchi wa Armenia, ili kwa siku za usoni, tunu ya maisha iweze kuheshimiwa na kuthaminiwa na kwamba, utu na haki msingi za binadamu zinapaswa kuzingatiwa. Huu ndio msimamo wa Baba Mtakatifu na Vatican katika ujumla wake.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more