Askofu Minde ahimiza nidhamu na utii kwa watawa

-
Na  Patrick Mabula, Kahama.
Askofu wa Jimbo Katoliki Kahama Mhashamu Ludovick Minde amewaasa watawa kuwa na nidhamu  kwa Kanisa  katika utume  wao.
Amesema hayo katika Ibada ya Misa Takatifu ya kusherehekea Jubilei ya miaka 25 ya kumshukuru Mungu kwa Masista  wanne wa  shirika la Mtakatifu Fransisko wa Asizi  na mmoja aliyekuwa  akiweka  nadhiri za daima iliyofanyika katika Parokia ya Mtakatifu Luka Mwinjili jimboni humo.
“Hakuna upadri au utawa bila Kanisa, hilo lazima lifahamike wazi. Lazima wote tuwe na utii na nidhamu kwa sababu miito yote ni kwa ajili ya Kanisa katika kumtumikia Mungu na si vinginevyo.
 Katika maisha ya wito kuna muunganiko kati ya Kanisa na Yesu Kristo. Hivyo watawa waone muunganiko huo katika utume wao ili ung’are kwa matendo na mwenendo wao,” amesema.
 Askofu Minde amewasihi watawa kuishi maisha ya neema ili uwavute wengine kuingia kuwa  wito huo wakijiunganisha na Kanisa na Kristo.
 Aidha watawa wakumbuke kuwa wana wajibu wa kujikita katika utume wao kwa Kanisa na kwa jimbo bila  makandokando.  
Amewaasa waamini kuwaombea Maaskofu, Mapadri na Watawa ili waweze kuwa watumishi wema na kuwavuta watu kuingia katika miito ya upadri na utawa Kanisa lipate watumishi.
Kwa upande wake Msimamizi wa Watawa wa Jimbo Katoliki Kahama Padri David Mwangu amesema kuwa, watawa ni zawadi ya Mungu kwa Kanisa , wajifunze kusikia sauti ya Mungu na kujitoa kwa kumtumikia katika Kanisa lake mahalia.
Watawa waliyo sherehekea miaka 25 ya utawa ni Mama Mkuu wa Shirika hilo Frasisko wa Asizi, Sista Bernadetta Musibimana, Sista Liberatha Mukantwari, Sista Christina Kasana , Sista Esther Nyawile na aliyeweka nadhiri za daima ni Sista Bertha Manyanda.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more