Viongozi na walezi seminarini acheni tabia ya kutenda kazi kwa mazoea

-
Kuna haja ya kushikamana na kutembea kwa pamoja kama ndugu kama sehemu ya mchakato wa uinjilishaji mpya unaofumbatwa katika ushuhuda wenye mvuto na mashiko Barani Ulaya. Watu kama vile Mapadre wana imani na matumaini kwa amana na utajiri mkubwa unaofumbatwa katika maisha na utume wa wakuu wa seminari na nyumba za malezi waliopewa dhamana ya kuwafunda majandokasisi kwa ajili ya maisha na utume wa Kipadre. Lakini, kutokana na utandawazi na maendeleo ya sayansi na teknolojia, leo hii, kuna tamaduni mpya zinazoendelea kuibuka nje kabisa ya ufahamu, uelewa na mitindo iliyokuwa inafahamika na wakuu wengi wa Seminari kwa nyakati zao. 
Changamoto kubwa iliyoko mbele ya walezi ni kuondokana na tabia ya kutenda kwa mazoea, ili kuyaelekeza macho yao kwa Kristo Yesu, aliyeteswa, akafa na kufufuka kwa wafu. Katika madonda yake matakatifu kama yalivyo pia madonda ya walimwengu, viongozi wa Kanisa waweze kuona na kutambua alama za ufufuko, changamoto na mwaliko wa kuendelea kufanya hija kama mashuhuda na Injili ya matumaini! Hii ni sehemu ya hotuba iliyotolewa na Baba Mtakatifu Francisko, Alhamisi tarehe 8 Machi 2018 wakati alipokutana na kuzungumza na wajumbe wanaoshiriki mkutano wa Magombera kutoka katika seminari zinazozungumza lugha ya Kijerumani.
Baba Mtakatifu anakaza kusema, wito ni zawadi kubwa kutoka kwa Mwenyezi Mungu na kamwe hawawezi kuutengeneza, bali wao wanaweza kuwa ni mashuhuda wa wito wa huruma ya Mungu katika maisha yao, anayewaita kutoka katika ubinafsi wao, ili kukutana na watu katika uhalisia wao; watu wanaohitaji uwepo wa karibu kutoka kwa jirani zao pamoja na ukaribu wa Mungu katika maisha yao, kwani wote wanaitwa kutengeneza familia kubwa ya watu wa Mungu. Hii ndiyo Jumuiya ambayo itaweza kuwategemeza ili kujibu na kutekeleza kwa moyo wote wito kutoka kwa Mwenyezi Mungu. Mwishoni, Baba Mtakatifu Francisko amewadhaminisha Magombera pamoja na majandokasisi wanaojiandaa kwa ajili ya maisha, wito na utume wa Kipadre kutoka katika nchi zinazozungumza Kijerumaini chini ya ulinzi na tunza ya Bikira Maria, Mama wa Kanisa.
Na Padre Richard A. Mjigwa, C.PP.S.
Vatican News!

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more