Pinda aongoza harambee ya ujenzi wa kituo cha hija Ifucha

-


Na Thomas Mambo- Tabora.
Waziri Mkuu Mstaafu Mizengo  Pinda amewahimiza waamini wa Jimbo Kuu Katoliki Tabora na wenyenji wa Kijiji cha Ifucha Nholo Tabora kutunza uoto wa asili na Mazingira ili kuenzi kazi ya Uumbaji wa Mwenyezi Mungu.
Rai hiyo ameitoa hivi karibuni alipotembelea eneo la Ifucha Tabora mahali ambapo Jimbo Kuu Katoliki Tabora linaendelea na ujenzi wa kituo cha Huruma ya Mungu .
Mh. Pinda alipokea taarifa iliyotolewa na Padri Mhandisi wa Jimbo Kuu Gosbert Kalaso iliyosema kuwa kituo hicho kutagharimu kiasi cha fedha kisichopungua shilingi milioni 717 za kitanzania.
Aidha Padri Kalaso amesema hadi ujenzi wa kituo ulipofikia , kituo kimeshagharimu shilingi milioni sitini na nne, laki mbili na ishirini na tano (64,225,000).
Baada ya kupokea maelezo hayo, Mh. Pinda aliwatoa hofu wanatabora hao na kusema kituo kitakamilika kwa wakati na akapendekeza mikakati iwekwe ikiwemo kuandaa na kupanga siku maaalumu ili kufanya harambee itakayoshirikisha watu ndani na nje ya mkoa wa Tabora.
Akielezea lengo la kituo hicho, Askofu Mkuu wa Jimbo Kuu Katoliki Tabora, Mhashamu Paul Ruzoka amesema kuwa, kituo hicho ni kwa ajili ya kupata eneo la kupata utulivu wa moyo kama jina lilivyo yaani “Ifucha nholo” watu watapata sehemu wanayoweza kusikia na kusikiliza sauti ya Mungu.
Sanjari na ujenzi wa kituo hicho cha kiroho, Jimbo Kuu Tabora limesaidia wenyeji wa eneo hilo kwa kuwagawia wanakijiji mbegu ya kisasa ya mihogo inayokinzana na magonjwa na kuvumilia hali ya hewa jambo lilisababisha  mbegu hiyo kuitwa,”Mkombozi.”
Aidha jimbo pia limesaidia kutoa elimu ya kilimo  na ufugaji kwa kaya zisizopungua 120, kwa kutumia kiasi cha milioni 400 pesa za kitanzania.
Jimbo Kuu Tabora limeanzisha kilimo cha korosho ili kuwasaidia wanatabora kubadili fikra na kuanzisha kilimo hicho cha biashara. 
Jimbo pia limepanda miti ili kuwa kielelezo cha utunzaji mazingira na kuhamasisha wananchi kuotesha miti na kuchana na tabia mbaya ya kukata miti hovyo.
Akizungumza kwa niaba ya Mkuu wa Mkoa wa Tabora, Mkuu wa Wilaya  ya Tabora mjini Mwl. Queen Mlozi alitanabaisha fursa zinazopatikana mkoani hapo ambazo kila mwanatabora anapaswa kuzichangamkia kwa wakati yaani;  ujenzi wa reli ya kisasa, uhakika wa usafiri wa ndege, ujio wa maji toka ziwa Victoria, ujenzi wa barabara za lami unaoendelea ili kuufungua mkoa wa Tabora na mikoa mingine jirani na uwepo wa makao makuu ya Serikali hapo Dodoma.
Katika hafla hiyo fupi, Mh. Pinda  aliendesha harambee na kupata kiasi cha shilingi milioni 12,920,000 zikiwa ahadi na pesa taslimu.
Pia ameomba utaratibu ufanyike haraka ili harambee nyingine ifanyike mwaka huu (2018) ili Kanisa la Tanzania litakapo adhimisha Kongamano la Ekaristi Takatifu kitaifa 2020 kituo kiwe katika hatua nzuri. 
Jimbo kuu Tabora linatarajia kujenga shule, zahanati, kumbi za mikutano, nyumba ya kulala wageni na nyumba ya utulivu au “rehabilitation centre.”


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more