Mvimwa wapata Abate Mpya

-
n Na Emanuel Mayunga Sumbawanga

WATAWA wa shirikala Mtakatifu Bernediko wa Abasia ya Roho Mtakatifu Mvimwa  WAMEPATA Abate mpya Padri Pambo Martin Mkorwe OSB.
Akiongoza Ibaada ya Misa Takatifu  kumuombea  Abate Pambo  Askofu wa Jimbo Katoliki Sumbawanga  Mhashamu Damian Kyaruzi amemuasa Abate Pambo kufuata mfano wa Mt. Pio wa X Papa, anayekumbukwa August 21 ambaye alijitoa kulihudumia Kanisa la Mungu bila kujibakiza.
Akiwashukuru wananchi na waamini wa jimbo la Sumbawanga abate Pambo OSB  amemshukuru askofu na waamini kwa mapokezi na kumuombea na kuahidi kufanya kazi kwa moyo kadiri ya matakwa ya Mama Kanisa.
Abate Pambo atasimikwa August 26 mwaka huu katika Makao Makuu ya Shirika Mvimwa Parokiani Kate jimboni Sumbawanga .
Aidha Abate huyo amesema anaongozwa na kauli mbiu  DUC IN ALCUM (Tweka mpaka kilindini)

Historia  fupi Abate Pambo Martin-Angelica Mkorwe OSB

Abate Pambo Martin-Angelica Mkorwe alizaliwa tarehe 15/08/1975 huko Uwemba Mission, katika jimbo la Njombe, kwa baba Martin Mkorwe na Mama Angelica Samligo. Alipata Sakramenti za Ubatizo, Ekaristi Tatakatifu na Kipaimara katika Kanisa la Mtakatifu Rafaeli - Uwemba.
Kuazia mwaka 1983 – 1989 alipata elimu ya msingi katika shule za Myangayanga – Jimbo la Mbinga, Uwemba – Jimbo la Njombe na mwisho Ihalula – Njombe. Mwaka 1990 – 1996, akapata elimu ya sekondari katika Sekondari ya Njombe (NJOSS), na Irambo katika Jimbo la Mbeya.
Mara baada ya kuhitimu elimu ya sekondari mwaka 1996, alianza rasmi safari ya maisha ya Kitawa. Tar 11.07.1998, alifunga nadhiri za kwanza Mvimwa Monasterini. Kuanzia mwaka 1998 – 2005alipelekwa masomoni Morogoro kwa ajili ya majiundo ya Falsaka na Tauhidi katika Taasisi ya Wasalvatoriani.
Tarehe 22/08/2004, alifunga nadhiri za Daima – Mvimwa Abasiani. Tarehe 23 Octoba 2004, alipewa  Daraja Takatifu ya Ushemasi na Mhashamu Askofu Telesfor Mkude huko Salvatorian Institute – Morogoro. Tarehe 10/07/2005, alipewa Daraja Takatifu ya Upadri katika Parokia ya Kristo Mfalme - Sumbawanga na Mhashamu Damian Kyaruzi, Askofu wa Jimbo Katoliki Sumbawanga.
Mara baada ya kupadirishwa, alitumwa kufanya kazi katika Parokia ya Kristo Mfalme Sumbawanga mjini, kama Paroko  Msaidizi. Kuanzia mwaka 2008 – 2013, aliwekwa kuwa Paroko katika Parokia hiyohiyo ya Kristo Mfalme   Sumbawanga, na wakati huohuo alitumikia kama Mkuu wa Idara ya  Liturujia – Jimbo na Padri wa Kiroho wa Gereza la Sumbawanga mjini.
Tarehe 1 Julai 2013, alitumwa Roma kusomea Shahada ya Uzamili katika Sheria za Kanisa, ambako alihitimu mwezi Juni 2016. Tarehe 14/10/2016 Mkutano Mkuu wa XXI wa Shirika, uliyofanyika huko Sankt Ottilien - Ujerumani, ulimchagua Padri Pambo OSB kuwa Katibu wa Shirika la Wabenediktini Wamissionari, na hivyo akahamishia makazi yake huko Ujerumani.
Ametumikia wajibu huo kwa muda wa miezi minane tu, ambapo tarehe 7/6/2017 jamii ya Wamonaki wa Mvimwa walimchagua kuwa Abate wa III wa Abasia ya Roho Mtakatifu Mvimwa.Tarehe 25/8/2017, ameungama Imani na kula kiapo cha Uaminifu kwa Mama Kanisa Mtakatifu na tarehe 26/8/2017, Mhashamu Damian Kyaruzi amempa Baraka ya Uabate huko Abasiani Mvimwa.


Abate Pambo Martin Mkorwe osb ambaye Kauli-mbiu:ni  Motto DUC IN ALCUM (Tweka Mpaka Kilindini) Lk. 5:4 amekuwa ni abate wa tatu katika nyumba ya Abasia ya Roho Mtakatifu Mvimwa akitanguliwa na Abate Mstaafu Denis Ndomba OSB na hayati Abate Basil Ngaponda OSB.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more