KANISA KATOLIKI LAIKABIDHI SERIKALI JENGO LA OFISI YA KATA MOROGORO

-


n Na Angela Andrew, Morogoro
MAKAMU Askofu wa Jimbo Katoliki Morogoro Padri Patrick Kung’alo amesema kuwa Kanisa Katoliki limejiwekea malengo ya kuendelea kutoa huduma bora za kijamii hasa afya na elimu ili kuwahudumia waamini na wananchi wengi zaidi kimwili na kiroho.
Padri Kung’alo amesema hayo hivi karibuni katika hafla maalumu ya kumkabidhi Mkurugenzi wa wilaya ya Mvomero Frolent Laurenti jengo la ofisi ya Kata ya Kinda ambalo limejengwa na Kanisa Katoliki ili kutumika kama ofisi ya Kata hiyo.
Padri Kung’alo ameeleza kuwa malengo ya Kanisa Katoliki kusimamia huduma za kijamii ni kuisaidia Serikali kwa lengo la kuhakikisha kuwa mwanadamu anapata huduma msingi za kibinadamu ili kumtumikia Mwenyezi Mungu daima.
 Aidha padri Kung’alo amesema zipo shule nyingi, hospitali, vituo vya afya na zahanati mbalimbali katika ushiriki wa utoaji huduma za jamii, ambapo Serikali pia mara kwa mara imekiri wazi namna Kanisa linavyochangia utoaji wa huduma msingi za kijamii.
“Kanisa Katoliki linajulikana sana katika utoaji huduma za jamii kupitia elimu na afya, na litaendelea kufanya hivyo mpaka mwisho wa nyakati, tunazo shule zinazoendeshwa na Kanisa Katoliki kuhudumia jamii ikiwa ni kuisaidia Serikali yetu,” amesema padri Kung’alo.
Hata hivyo kiongozi huyo wa kiroho amesema kuwa Kanisa Katoliki litaendelea kuwa bega kwa bega na Serikali ya Jamhuri ya Muungano wa Tanzania huku akiwaomba watumishi watakaotumia ofisi hiyo kutumia karama zao kuboresha huduma kwa wananchi.
Wakati huo huo padri Kung’alo amewaasa watanzania kumtanguliza Mwenyezi Mungu, kama ambavyo Rais John Magufuli anavyoendelea kusisitiza katika hotuba zake mbalimbali ili jengo hilo litumike kufanya mikutano mbalimbali kwa lengo la kuwagusa wanadamu kwa mujibu wa mapenzi ya Mwenyezi Mungu.
“Tuiombee ofisi hii na wale watakaoitumia kuguswa na mahitaji ya wanadamu, kila mtumishi ahakikishe anafanya kazi kwa kuzingatia mahitaji ya jamii, na nina hakika haya ni mapenzi ya Mwenyezi Mungu kwa sababu wote tupo kwa ajili ya kusaidiana na kuhurumiana,” amesema padri Kung’alo.
Kwa upande wake Mkurugenzi wa wilaya ya Mvomero Frolent Laurent amelishukuru Kanisa Katoliki kuendelea kushirikiana na Serikali huku akiwaomba watumishi wa Kata hiyo kufanya kazi kwa ushirikiano na mshikamano kugusa mahitaji ya wananchi.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more