Kanisa halitadhoofishwa-Ask Ndimbo

-
n Na Pascal Mwanache
ASKOFU wa Jimbo Katoliki Mbinga na Mwenyekiti wa Huduma za Jamii kwa upande wa Elimu, katika Baraza la Maaskofu Katoliki Tanzania (TEC), Mhashamu John Ndimbo amesema kuwa, licha ya vikwazo na changamoto wanazokutana nazo katika jitihada za kumkomboa mtanzania dhidi ya ujinga, Kanisa Katoliki halitarudi nyuma wala kudhoofishwa kwa kuwa utoaji wa elimu ni sehemu ya kazi ya uinjilishaji ya Kanisa.
Ameeleza hayo hivi karibuni wakati akifungua Mkutano wa Mwaka wa Makatibu wa Elimu kutoka Majimbo Katoliki Tanzania, uliofanyika TEC Kurasini jijini Dar es salaam. Askofu Ndimbo amesema kuwa siku zote uwepo wa Kanisa Katoliki unatambulishwa kwa uwepo wa huduma za kijamii na kusema kuwa hakuna uinjilishaji pasipo makuzi ya kitaaluma.
“Elimu ndiyo inayomfanya mwanadamu kwanza ayajue mazingira yake, ajitambue yeye ni nani na kisha imfahamishe uhusiano wake na Mungu. Miaka 150 ya Uinjilishaji Tanzania Bara inapata maana zaidi kwa jinsi sekta ya elimu ilivyokua katika taasisi zetu. Taasisi zetu za elimu ni wakala mashuhuri wa uinjilishaji” amesema Askofu Ndimbo.
Pia amewakumbusha makatibu hao kusisitiza malezi ya vijana kutoka moyoni, kwa kuwarithisha tunu za maisha kimwili na kiroho. Amesema kuwa mabadiliko ya mfumo wa elimu hasa kwa wanafunzi wanaotoka sekondari kwenda Vyuo Vikuu ambao wanalazimika kuomba moja kwa moja katika vyuo husika, hayapaswi kudhoofisha Vyuo Vikuu vya Kanisa Katoliki bali iwe fursa kwao katika kuwalea watoto wafaulu vizuri na kuwahamasisha waendelee na masomo katika vyuo vya Kanisa.
Awali akiwakaribisha wajumbe wa mkutano huo, Naibu Katibu Mkuu wa TEC Padri Damian Dulle amesema kuwa Kanisa linapoadhimisha jubilee ya miaka 150 ya Uinjilishaji Tanzania Bara, linajivunia mchango wake katika utoaji wa elimu, hasa kuongezeka kwa shule na ufaulu.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more