Vyombo vya habari vya Katoliki vyaaswa kufahamisha umma juu ya miaka 150 ya uinjilishaji

-
Na Julieth Muunga Dadi, Dar es Salaam
Wanamawasiliano wa Vyombo vya Habari vya Kanisa Katoliki wametakiwa kuweka mikakati madhubuti kupitia njia za mawasiliano ikiwemo Televisheni, Radio na Magazeti ili kurahisisha na kuendeleza utume wa Kanisa.
Aidha Vyombo hivyo vya habari viweke mikakati madhubuti ili kuelimisha na kufahamisha uma kuhusu Jubilei ya  Miaka 150 ya Ukristo Tanzania.
Wito huo umetolewa hivi karibuni na Katibu Mkuu wa Baraza la Maaskofu Katoliki Tanzania (TEC), Padri Raymond Saba wakati akifungua Mkutano  Mkuu wa  Mwaka wa Wakurugenzi wa Mawasiliano Majimboni na wa Vyombo vya Habari vya Kanisa uliofanyika hivi karibuni Kurasini, Jijini Dar es salaam.
Padri Saba amesema kuwa,  kama wanamawasiliano hawana budi kuweka mikakati ya kuhamasisha waamini juu ya matukio mbalimbali katika Kanisa ikiwemo Maadhimisho ya Jubilei ya Miaka 150 ya Uinjilishaji Tanzania Bara.
“Ni wajibu wa Vyombo vyetu vya Habari vya Kanisa Katoliki kuhakikisha waaamini wanajua, wanashiriki na kuyaishi yale yote mazuri yaliyokuwepo ndani ya Miaka 150 ya uinjilishaji ili waweze kuimarisha Imani yao,” amesema.
Aidha ameongeza kuwa ni vyema wakajenga utamaduni wa kusoma na kujifunza  masuala mbalimbali muhimu katika Kanisa ili yawasaidie katika kazi zao za kila siku sambamba na kuzingatia matumizi fasaha ya lugha.
Kwa Upande wake Mkurugenzi wa Mawasiliano Jimbo Kuu Katoliki  Dar es Salaam, Padri Joseph Masenge wakati akiwasilisha mada ya  weledi katika Uandishi wa habari na uandaaji wa vipindi amesema uandishi ni wito , hivyo kama wanamawasiliano wanapaswa kufanya kazi kwa weledi na haki sambamba na kuzingatia maadili ya Uandishi wa Habari.
“Si sahihi kuongeza maneno ama kumlisha mtu maneno ili kuuza gazeti. Si sahihi kupindisha ama kukuza vichwa vya habari kwa ajili ya soko la gazeti. Maadili ya uandishi ndiyo ninayosisitiza.
Andikeni kwa ufasaha, ubunifu na weledi ili kuhabarisha umma na kujiaminisha katika jamii,” amesisitiza Padri Masenge.

Mkutano huo wa Mwaka wa Wanamawasiliano uliwakutanisha Wakurugenzi  wa Majimbo nane wakiwemo wasimamizi  wa vipindi  kutoka katika Redio zinazomilikiwa  na Kanisa Katoliki majimboni ikiwemo Tumaini Media, Redio Ukweli ya Morogoro, Redio Mwangaza ya Dodoma, Redio Fadhila ya Tunduru Masasi, Redio Faraja ya Shinyanga, Redio Chemchem ya Sumbawanga, Redio Huruma ya Tanga, Redio Mbiu ya Bukoba iliyopo kwenye majaribio na Redio Maria Tanzania.
Kanisa Katoliki Tanzania lina jumla ya Majimbo 34 kati ya hayo Majimbo Makuu ni sita ambayo ni Jimbo Kuu Katoliki Dar es Salaam, Arusha, Tabora, Mwanza, Dodoma na Songea.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more