‘Bila ushirikiano wa Serikali na Kanisa hakuna maendeleo’

-

Na Izack Mwacha Singida
ASKOFU wa Jimbo Katoliki Singida Mhashamu Edward Mapunda, ameipongeza serikali ya Mkoa wa Singida, kwa kutoa ushirikiano na Kanisa katoliki katika shughuli za maendeleo.
Askofu Mapunda ameyasema hivi karibuni katika uzinduzi wa miaka 22 ya Radio Maria Tanzania iliyofanyika Parokia ya moyo Mtakatifu wa Yesu Jimbo Katoliki  Singida.
Katika homilia yake Askofu Mapunda amesema kuwa ushirikiano ukidumishwa Kati ya serikali na Kanisa ni lazima maendeleo yawepo,kwani miongoni mwa mambo ambayo yanaleta chachu ya Nguvu, umoja na mshikamano ni ushirikiano ambao kwa kiasi kikubwa unaleta hali ya kujaliana, hivyo anategemea maendeleo makubwa zaidi katika Jimbo la singida
Askofu mapunda amesisitiza kuwa, ili imani ya Kanisa Katoliki iendelee kudumu zaidi ni lazima kwa kila mkristo mkatoliki mmbatizwa afahamu umuhimu wake wa kuchangia vyombo vinavyoweza kuisambaza injili hiyo kwa kasi zaidi ulimwenguni kote ikiwemo Radio Maria, kwani hiyo ni njia pekee ambayo ina uwezo mkubwa zaidi wa kuhubiri neno la Mungu haraka zaidi na kwa kasi kubwa.
“Kuna mtu alijitokeza wakati nikiwa Ulaya akataka kunipa Radio, nami nikamwambia sidhani kama ninahitaji Radio maana nchini Tanzania kuna RAadio Maria na Redio ya mama inatosha’’ amesema Askofu Mapunda.
Kwa upande wake Mkuu wa Mkoa wa Singida Dr Rehema Nchimbi ambaye alikuwa ni mgeni rasmi katika uzinduzi huo, amewataka wakristo kote ulimwenguni kujiwekea Utaratibu maalum wa kusali Rozari Takatifu, huku akisisitiza kuwa, Pamoja na mambo mengi ambayo yanafanyika hapa duniani, ni lazima yasindikizwe na nguvu ya sala kwani sala pekee ndiyo silaha ya kukuweka mbali na muovu shetani.
“Waamini wenzangu naomba mtambue ya kuwa  Salamu Maria moja Ina nguvu kuliko bomu la nyuklia.
Kama unataka kuwa mkandarasi mzuri ambaye hakuna hata mtu mmoja anayeweza kukuondoa katika kazi yako basi ni lazima kwanza uwe mkandarasi wa Yesu,” amesema Dr Nchimbi huku akisema ya kwamba kujitoa katika matukio mbalimbali ya Kanisa pamoja na kusali ndiyo mahusiano pekee yanayodumu milele kwani yanakuwa yameunganishwa na Mungu ambayo hakuna mwanadamu yeyote anayeweza kuyavunja kamwe.
Sanjari na hayo Dr Nchimbi ametoa zawadi ya Rozari  elfu mbili kwa Radio Maria Tanzania huku akisema kuwa itakuwa chachu ya kuwajengea mazingira mazuri zaidi waamini katika sala, kwani kupitia Rozari Takatifu miujiza mingi zaidi inawatokea wanaosali kwa imani.
Naye Mkurugenzi wa Matangazo Radio Maria Tanzania Padri John Maendeleo, amewashukuru viongozi wote wa Kanisa waamini, pamoja na viongozi wa Serikali ambao walijitokeza kwa furaha kubwa katika uzinduzi huo na kusema kuwa kuwezesha habari njema kufikia watu wengi zaidi kupitia Radio Maria ni sawa na Kupanda mbegu katika udongo mzuri, jambo ambalo linakupa uhakika wa kujipatia mazao mengi na  ya kutosha siku za usoni.
Uzinduzi wa maadhimisho ya miaka 22 ya Radio Maria Tanzania umefanyika Jimboni Singida, huku kilele chake kikiwa ni Tarehe 1/7/2018 Jimboni humo.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more