Viongozi wa dini watangaza vita dhidi ya ukatili wa kijinsia

-

Na Pascal Mwanache, Dar

VUGUVUGU la kiimani kwa ajili ya kutetea usawa wa kijinsia na kupinga ukatili wa kijinsia nchini limezinduliwa jijini Dar es salaama hivi karibuni, ikiwa ni nguvu ya pamoja ya viongozi wa dini na wadau mbalimbali katika kuibadilisha jamii iondokane na mila zinazochochea ukatili.
Vuguvugu hilo linaloitwa ‘Side by side’ yaani ‘bega kwa bega’ limezinduliwa Novemba 30, 2017 katika Hoteli ya Golden Tulip jijini Dar es salaam, ambapo wadau mbalimbali na viongozi wa dini wameeleza kuwa uwepo wa vuguvugu hilo utasaidia mapambano dhidi ya ukatili wa kijinsia.
Akizungumza katika hafla hiyo Katibu Mkuu wa Jumuiya ya Kikristo Tanzania (CCT) Rev. Moses Matonya amesema kuwa lengo la vuguvugu hilo ni kuweka nguvu za pamoja kama viongozi wa dini kwa kushirikiana na wadau wengine ili kupinga ukatili wa kijinsia.
Amesema kuwa wanaunga mkono jitihada za serikali na wadau katika mapambano dhidi ya vitendo vya ukatili wa kijinsia kwa kuihimiza jamii na kuielimisha ili ibadilike na kuachana na mila potofu zinazochochea ukatili.
“Tunalenga kuibadilisha jamii iache vitendo vya ukatili kwa watoto, wanawake na wanaume, tukikemea lugha za matusi na udhalilishaji wa utu wa binadamu. Ukatili unaweza kutokomezwa ikiwa jamii yenyewe itaamua na kuyapa kipaumbele masuala yanayohusu usawa wa kijinsia. Nasi kama viongozi wa dini tunawiwa kutafsiri neno la Mungu kwa mtazamo wa kijinsia na kuachana na mila kandamizi. Pia tunalenga kuihamasisha jamii kusema hadharani juu ya vitendo vya udhalilishaji” ameeleza.
Kwa upande wake Mkuu wa Wilaya ya Gairo Siriel Mchembe amewapongeza wana vuguvugu la ‘bega kwa bega’ akisema kuwa ukatili wa kijinsia ni changamoto kubwa hapa nchini kama ilivyo katika nchi nyingine, na kusema kuwa vuguvugu hilo linaenda sambamba na maadhimisho ya siku 16 za kupinga ukatili wa kijinsia.

Aidha amesema kuwa jitihada hizo zitasaidia kupunguza vifo vitokanavyo na uzazi ambapo idadi ya vifo hivyo inaongezeka ambapo mwaka 2010 ilikua asilimia 23 na 2015 ilifikia asilimia 27.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more