KANISA TABORA LAANZISHA KILIMO CHA KOROSHO, MAEMBE

-
JIMBO Kuu Katoliki Tabora hivi karibuni limezindua kilimo cha korosho na miembe ya muda mfupi katika eneo lake la hija   ili kutoa mfano wa kilimo cha kibiashara.
Akiongea na Gazeti hili kwa niaba ya Askofu Mkuu Paul Ruzoka, mhasibu wa jimbo hilo Padri Nicolaus Bulabuza amesema kuwa Jimbo Kuu Tabora limeamua kuanzisha kilimo cha korosho na miembe ya muda mfupi ili kutoa elimu kwa wanatabora kubadili mawazo na kuona bado Tabora inaweza kuingia katika kilimo hiki kipya.
Aidha Padri Bulabuza amesema kuwa wao kama Kanisa hawana budi kuona ni kwa namna gani wanaweza kuunga mkono kauli mbiu ya serikali ya awamu ya Tano yaani Tanzania ya viwanda.  “Kila mwana Tabora hana budi kuona yeye anaingiaje katika mnyororo wa Tanzania ya viwanda,” ameongeza.
Akifafanua zaidi Padri Bulabuza amesema mazao ya korosho na miembe hayana budi kupewa kipaumbele kwani yana faida nyingi baadhi yake ikiwa ni kutumika kama chakula, na pia ni biashara.
Pia amesema kuwa wana Tabora hawana budi kupokea mazao hayo kwa mikono miwili ili kujiongezea chakula na kipato cha kaya, wilaya, mkoa na hatimae Taifa.  Hii imetokana na wana Tabora wengi kujikita katika kilimo cha tumbaku kwa muda mrefu kitu ambacho kimesababisha uharibifu wa mazingira na afya kwa wakulima.
Padri Bulabuza amesema kilimo cha korosho na miembe ni rafiki wa mazingira tofauti na zao la tumbaku ambalo kwa miaka mingi limeicha Tabora katika hali mbaya kimazingira.
Kilimo hicho kilichozinduliwa chini ya Afisa Ugani wa kata ya Ifucha katika Manispaa ya Tabora, ni mategemeo kuwa mashamba hayo yatakuwa darasa kwa wanakijiji wa kijiji cha Ifucha na vitongoji vyake.

Jimbo Kuu Tabora tayari limepanda zao la korosho kwa ukubwa wa Ekari 4, na Ekari mbili za miembe ya muda mfupi.  

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more