Mfuko wa Graca Machel kuinua elimu Musoma

-





Na Veronica Modest, Musoma.

SERIKALI Mkoani Mara imewaondoa hofu walimu wanaotarajia kufundisha watoto walio nje ya mfumo wa shule kwa ongezeko la vipindi vingi vya darasani katika mradi wa Graca Machel Trust (GMT) ambao unatekelezwa kwa kushirikiana na Jimbo Katoliki Musoma.

Akizungumza kwenye hafla ya kufunga mafunzo ya walimu 432 yaliyofanyika kwa muda wa mwezi mzima katika kituo cha ufundi cha St Anthony na Chuo cha Maendeleo ya Jamii cha Buhare, kaimu Katibu Tawala wa Mkoa wa Mara Bw.Method Mkoba amesema kuwa walimu hao hawana budi kuondoa wasiwasi wa kuwa na majukumu makubwa wakati wa kuwafundisha watoto hao, kwa kuwa tayari serikali imekwishaweka mfumo mzuri utakaowasaidia walimu hao kusimamia majukumu yao bila tatizo.

 Mkoba amesema kuwa Serikali Mkoani hapa imeandaa mikataba ya kazi ambayo itawasaidia walimu hao katika kusimamia majukumu yao hasa kwa upande wa vipindi vya darasani, ambavyo awali walikuwa wanafundisha na sasa wameongezewa tena darasa jingine la MEMKWA, ili kuwapunguzia mzigo mkubwa na kwamba walimu wote watakuwa chini ya mwalimu mkuu wa shule husika.

Wakizungumza kwa nyakati tofauti na gazeti hili, baadhi ya walimu walioshiriki mafunzo hayo wamesema kuwa, wanakuwa na hofu hasa upande wa vipindi vya darasani ambavyo sasa vimeongozeka kwa kuwa awali wengine  walikuwa na vipindi vitano kwa siku sawa na vipindi 25 kwa wiki, hivyo huenda darasa moja likakosa vipindi na hata watoto kufeli somo la mwalimu husika, kwa kuwa mwalimu huyo huenda akajikita zaidi upande wa darasa moja na kushindwa kumudu darasa jingine kwa wakati muafaka.


Mmoja wa walimu kutoka wilaya ya Butiama (jina tunalihifadhi) amesema kuwa Bi.Graca Machel ana lengo zuri la kuwasaidia watoto walio nje ya mfumo wa shule, hivyo ili mradi huu uweze kufanikiwa zaidi,  kwanza yawepo  mazingira rafiki ya kuwafundisha watoto kutokana na ukweli kwamba kuna wengine walikuwa tayari wamekwishaolewa wakiwa na umri mdogo na sasa wanataka kurudi shuleni, wengine wanahitaji muda mrefu wa kuelimishwa hasa kwa kwenda taratibu ili wote waelewe, hivyo itawalazimu walimu hao kutumia muda mwingi zaidi katika madarasa hayo ya MEMKWA kuliko kufundisha darasa la kawaida.

Kaimu Afisa Elimu Mkoa wa Mara Elisonguo Mshiu amewaambia walimu walioshiriki mafunzo hayo ya MEMKWA kuwa wameaminiwa na Serikali, hivyo waende wakafikishe kile walichojifunza katika jamii, kwa kufuata maadili ya utumishi wa Umma na hivyo kuleta matokeo chanya kwa watoto hao watakaokwenda kuwafundisha walio nje ya mfumo wa shule.










Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more