“Hakuna mafuta mbadala ya krisma”

-
ASKOFU wa Jimbo Katoliki Iringa Mhashamu Tarcisius Ngalalekumtwa amewataka waamini kuwaombea mapadri na hasa katika kipindi hiki ambacho wanaadhimisha miaka 100 tokea wapatikane mapadri wa kwanza Tanzania Bara, ili waweze kuishi katika Roho ya kweli isiyo na uroho na pia kuutendea haki ukuhani kwa kumuakisi Yesu katika yote.
Mhashamu Ngalakumtwa ameyasema hayo mwishoni mwa juma katika misa ya kubariki mafuta (Krisma) ya wagonjwa,wakatekumeni na kuyaweka wakfu mafuta ya Krisma, misa ambayo imefanyika katika Kanisa Kuu la kiaskofu la Moyo Mtakatifu wa Yesu Parokia ya Kihesa.
Amesema kwamba ikiwa makuhani hao watafanya vile anavyotaka Roho Mtakatifu, wanamfanya Kristo atende kama zama hizo na siyo kuhani kumzamisha muamini katika giza.
“Siyo mie kuhani nakuzamisha kwenye giza, nashindwa kuwasaidia wale wenye mioyo mizito hapana, natakiwa niwapatie tumaini jipya, na waliokata tamaa niwaelekeze kwamba kabla hajafa hujaumbika,” amesema Mhashamu Ngalalekumtwa.
Aidha Mhashamu Ngalalekumtwa amekemea baadhi ya waamini wanaosema kwamba kuna mafuta kutoka sehemu fulani au ya Mama Bikira Maria na amesema kuwa huo ni upotoshaji mkubwa.
“Hakuna mafuta yanayotumika katika liturujia zaidi ya haya, huo ni upuuzi mtupu na uhuni, mnakufuru huo ni utapeli wa kiroho.
Tutayaweka wakfu mafuta ya Krisma ambayo yanatumika kwa sakramenti mbalimbali na matumizi mengine kama kuitakatifuza altare, ubatizo, kipaimara, wanapakwa pia mapadri na maaskofu, tutabariki mafuta ya wagonjwa na mafuta ya wakatekumeni.” Ameonya
Aidha katika misa hiyo ambapo makuhani hao walirudia viapo vyao, Mhashamu Ngalalekumtwa amesema kwamba, makuhani wanajazwa Roho kuwasaidia waamini sakramenti ya kiroho wanashirikishwa kazi hiyo nzito na takatifu, hivyo waamini wanapaswa kuwaombea.
“Tumekusanyika kuadhimisha karama zetu na pia kurudia viapo vyetu mbele ya Mungu na Kanisa, tunatoa sadaka za kiroho kwa Mungu, daraja hili lina hadhi na majukumu ya kipeke,” Amefafanua
Misa hiyo imehudhuriwa na mapadri 70 kutoka jimboni Iringa, watawa wa kike na kiume pamoja na waamini wenye mapenzi mema.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more