Askofu Kassala: Muishini Mungu kwa vitendo

-
WAAMINI wametakiwa kuitumia Pasaka kufungua njia mpya ya kumfuata Kristo kwa matendo mema ambayo ndiyo yampasayo kila Mkristo kwani wakibaki katika maneno tu ukristu wao unakuwa wa mashaka.
Maneno hayo yamesemwa na Askofu wa Jimbo Katoliki Geita Mhashamu Flavian Kassala wakati wa misa ya Pasaka iliyofanyika katika Kanisa la Bikira Maria wa Fatima lililopo Geita mjini.
Askofu Kassala amesema kwa muda wote ambao waamini hao walikuwa katika Mafungo matakatifu ya Kwaresima ni vyema yawageuze na kuwaondolea madhaifu mbalimbali ya kiroho ili kila muumini ajitahidi kuishi katika mwenendo mwema wa kumwelekea Kristo aliyeshinda mauti.
Aidha amewahimiza waamini hao kuyatambua madhaifu yao ya kiroho na kuyakabidhi kwa Kristo ili yageuzwe kwa neema za Mungu na kuwa imara katika kumtumikia Mungu maana kumtumikia mungu bila kuhitaji msaada wake ni kujidanganya.
Amesema kila muumini anapaswa kujua kuwa mafumbo matakatifu ya mateso, kifo na ufufuko wa Kristo ni safari iliyoongozwa na utii hadi mauti, hivyo akawahimiza waaamini hao kuwa watii kwa Kristo aliyekubali kufa kifo cha aibu kwa ajili ya kuwakomboa wote.
“Ndugu tuongozwe na utii tunapomtafakari Kristo mfufuka, tutii bila kujibakiza kwa kuuishi mwenendo mwema wa kumpendeza Mungu ambaye kila mmoja anaona thamani ya sadaka yake takatifu ya kutufia msalabani ili tukombolewe kutoka katika utumwa wa dhambi,” amesema
Amehimiza wanafamilia hasa baba na mama kuishi kwa kuheshimiana ili kuzifanya familia zao kuwa chanzo kikuu cha amani, kwa kufanya hivyo watakuwa wanatoa somo zuri kwa watoto wa familia zao kuonja upendo na hivyo kuzifanya familia hizo kuwa Kanisa dogo la sala.
Amesisiza pia waamini hao kujisomea neno la Mungu ambalo alisema ni nuru angavu kwa kila mwenye kulisoma na kuliishi, ambapo amesema kichwa kilicho wazi ni karakana ya shetani ambayo huitumia kutengeneza uovu mwingi.
Katika hatua nyingine Askofu Kassala ameungana na viongozi wengine wa dini na watu mbalimbali nchini kukemea mauaji ya Askari Polisi 8 hivi karibuni wakiwa kazini akisema kitendo hicho hakikubaliki hata kidogo kwa nchi yenye amani kama Tanzania.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more