Mkatoliki anayepokea rushwa anaikana imani yake-Ask. Kassala amesema

-
Na Jimmy mahundi, Mtwara
MAkamu wa Rais Baraza la Maaskofu Katoliki Tanzania, Askofu Flavian Kassala amewataka waamini wa Kanisa Katoliki kuiishi imani yao inayomtaka mkristo kuwajibika kwa uadilifu, kuichukia dhambi yakiwemo masuala ya rushwa.
Amesema hayo wakati wa adhimisho la Misa Takatifu ya Jumapili ya 6 ya Pasaka katika Kanisa Kuu la Kiaskofu la Watakatifu wote la Jimbo Katoliki Mtwara
Ametaja baadhi ya mambo ambayo yamekuwa kikwazo katika imani  ikiwemo, rushwa, udini,ukabila na umaeneo ambayo vyote hivyo vimekuwa sababu ya mateso kwa wanadamu wengi katika nyakati hizi na matokeo yake ni kushuka kwa imani miongoni mwa waamini.
“Haiwezekani jana umepokea rushwa kwa mtu mmoja na leo umekaa karibu naye kanisani halafu wakati wa kutakiana amani mnashikana mikono ya amani!,” amesema Askofu Kassala
Kufuatia hali hiyo amewataka waamini kote nchi kuishi kwa kuzingatia imani yao inayokataza rushwa, chuki, ubaguzi wa dini, rangi, kabila, maeneo nk.
“Imani yetu inasisitiza upendo, msamaha, amani, huruma, uwajibikaji wenye uadilifu nk,” amesema.
Aidha Kassala amewashukuru waamini na wananchi wa mkoa wa Mtwara kwa moyo wao wa upendo na shukrani kwa Mungu kwa kujituma katika maandalizi na kufanikisha maziko ya Marehemu Askofu Mstaafu Gabriel Mmole ambayo yalifanyika Mei 22 mwaka 2019 jimboni humo.
Amewataka wanamtwara kuendeleza ushirikiano na mshikamano kama walivyofanya wakati wa msiba wa Marehemu Askofu Mmole.
“Maaskofu wamefurahishwa na maandalizi walioyakuta wakati wa maziko ya Askofu Mmole na imeonyesha namna wanajimbo kwa kushirikiana na viongozi wa Kanisa wanavyofanya kazi kwa pamoja na huo ni ukomavu wa iamani,”amesema Askofu Kassala ambaye pia ni Askofu wa Jimbo Katoliki Geita.
Kwa upande wake mwenyekiti wa halmashauri walei jimbo la Mtwara Paul werema amewashukuru waamini wote kwa namna walivyojitokeza kwa zaidi ya wiki mbili katika maandalizi na hatimaye kufanikisha maziko ya marehemu Askofu Mmole..
Werema amesisitiza kuendelea na umoja katika mambo mbalimbali ya furaha na huzuni kwa kuwa ni umoja pekee ndio utasaidia kufanikisha kila jambo jimboni humo. 
Hata hivyo mwenyekiti huyo amewataka wanajimbo kuwa tayari kwaajili ya kupokea ugeni wa  kongamono la wawata kutoka majimbo ya kusini, ambalo litafanyika Mtwara mwezi juni na amewaomba akinamama wote kushirikiana katika kufanikisha shughuli hiyo.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more