Askofu Ruwa’ichi: Msiabudu mali

-
Na Dominic Haule, Dar es Salaam
waamini nchini wametakiwa kuacha kuabudu mali zao kama vile biashara, mashamba, ofisi,mifugo mazao nk. badala yake  wamwabudu  Mungu pekee mtoaji wa vyote.
Hayo yamesemwa na Askofu Mkuu Mwandamizi wa Jimbo Kuu Katoliki Dar es salaam Mhashamu Yuda Thadeus Ruwa’ichi  wakati  wa homilia yake  hivi karibuni katika Jubilee ya Miaka 50 ya Updri ya Padri Camille Neuray Paroko wa Parokia ya Mt.karoli Lwanga Yombo Dovya.
“Kinacho tutunza sio mali, bali ni Mungu mwenyewe anaye sitawisha  mali na kuzifanya zizae. Hivyo tunapaswa kumwabudu Mungu na sio kitu kingine chochote,” amesema.
  Amesema kuwa adhimisho la jubilee ni jambo linalobeba maana  kadhaa miongoni wa mambo hayo ni fursa  ya kumshukuru Mungu, kujiweka wakfu upya, kujiaminisha kwake tena kujinyenyekesha na kuomba toba  pamoja na neema na baraka.
Hata hivyo Amesema kuwa watumishi wa Mungu wanatakiwa kuwa kama akina Paulo, Adrea , filipo na wengine waliokuwa mitume wa Yesu kama sehemu ya kuiita miito mitakatifu katika jamii wakiwemo vijana na watoto kuingia katika wito wa utawa Kama Padri Camille Naeuray.
Aidha adhimisho hilo ni ungamo lakiimani kana kwamba bila Mungu hatufanikishi kitu hivyo wanapaswa kumuomba Mungu ili awasaidie kufanikisha kazi aliyowaitia katika wito wa kumtumikia Mungu hapa ulimwenguni.
Askofu Ruwa’ichi amempongeza Padri Camille Neuray katika uaminifu wake wa kudumu katika utume na kujitoa sadaka katika kufanya utume bila kujibakiza.
Pamoja na  kumuombea kila la heri ili aweze kufikia Miaka 50 ya Utume.
Padri Camille Neuray wa Shirika la Wakamilian alianza utume wake wa Upadri  katika  Parokia ya Ngerengere Mkoani Morogoro, Kisha Mt Camillian Kiwalani Dar es sala kwa sasa anaendelea na utume huo katika Parokia Mt.Kaloli Lwanga -Yombo Dovya.
Misa hiyo ya jubilei ya miaka 50 ya updri wa padri Camille Neuray kutoka Parolika ya Mt. Karoli Lwanga Yombo Dovya imeongozwa na Askofu Mkuu Mwandamizi Yuda Thadeus Ruwa’ichi akishirikiana na Monsinyori Mbiku na mapadri wa shirika la wakamilian pamoja na mapadri wa mashirika mengine na mapadri wa Jimbo Kuu Katoliki Dar es salaam.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more