TAARIFA KWA UMMA:TAMKO LA BARAZA LA MAASKOFU KATOLIKI JUU YA KONGAMANO LA EKARISTI TAKATIFU JIMBO KUU MWANZA JUNE 9-11-2016

-


TAMKO RASMI LA KONGAMANO LA EKARISTI TAKATIFU JIMBO KUU MWANZA 2016



Sisi Maaskofu, Mapadre, Watawa na Waamini wote Kutoka majimbo Katoliki Tanzania, tuliokutana katika viwanja vya  Bikira Maria Malkia wa Kawekamo kwa madhumuni ya kuadhimisha Kongamano la tatu (3) la Ekaristi Takatifu Kitaifa (Juni 8 mpaka 11 mwaka  2016). Kwa taswira nzuri mithili  ya ile  ya  kugeuka sura kwa  Bwana wetu Yesu Kristo pale mlimani  Tabor, na mithili ya wanafunzi wa Emaus waliomtambua Yesu katika kuumega mkate, tunapenda kuinua shukrani yetu kwa Mungu anayetupatia mwanae kuwa chakula cha safari yetu kuuelekea ufalme aliotuhaidia.

Baada ya kusali na kutafakari kwa kina juu ya neema na Baraka  ziletwazo na Ekaristi Takatifu, tunauhakika kwamba Roho Mtakatifu anatutuma sasa, kwenda kumtangaza na kumshuhudia Yesu wa Ekaristi Takatifu. Tukiongozwa na kauli mbiu “Kristo ndani Yenu Tumaini Letu la Utukufu, tumeitafakari Ekaristi kwanza kama;

Mkate wa Uumbaji: Ekaristi Takatifu, ikiwa inaishi na kuleta uhai hukutana nasi tunaoipokea, na yenyewe inakuwa ukamilifu kabisa wa fumbo la Pasaka ambalo ni msingi wa kweli na ni kichocheo cha Uongofu binafsi. Hili fumbo linatuimarisha sisi katika imani. Ni katika ekaristi kila kiumbe kinapata uhai, furaha ya kweli, na Ekaristi Takatifu inatuhimiza kuutunza uumbaji kama shukrani yetu kwa Mungu aliyeumba mbingu na dunia na vitu vyote vinavyoonekana na visivyoonekana.

 

Mkate kwa Utukufu: Ekaristi Takatifu ni ushuhuda wetu sisi waamini wakatoliki kuhusu, mateso,kifo na ufufuko wa Bwana wetu ambaye ametuachia ukumbusho wa mateso yake na fursa ya kumpokea yeye katika fumbo la Ekaristi.

Ekaristi Takatifu ni chanzo cha wito na matumaini yetu ya utukufu,pia ni mkate wetu wa matumaini kwa vile hutupatia nguvu ya kuishi kwa kutoa shukrani na furaha ijapokuwa maisha yetu hukabiliwa na changamoto nyingi.Pamoja na changamoto hizo, katika Sakramenti ya  Ekaristi Takatifu, Mungu anakuwa pamoja nasi,anatuokoa, anatutawala na kututakatifuza.

Ekaristi Takatifu kwa hiyo itujengee ari ya kutulia na kutafakari safari ya maisha yetu na humo tuchote nguvu za kuendelea mbele kwa uthabiti wa maisha.

Mkate wa mazungumzano: Ekaristi Takatifu   ni kiunganishi kati ya Mungu na uumbaji,:Mungu na watu, :watu kwa watu. Kwa muktadha huo  Ekaristi Takatifu inatupa nguvu  ya mazungumzano ndani yetu,katika familia,jumuia ndogondogo  na inatusukuma kuwa wahudumu wa Ekaristi katika kanisa, tukijenga misingi ya ekumenia, tukijenga misingi ya mahusiano na dini mbalimbali tamaduni mbalimbali na ulimwengu mzima. Ekaristi Takatifu siku zote itusaidie  tusiishi kinadharia  bali tuishi matendo ya injili  kila siku kama kanisa la mwanzao  “…na siku zote kwa moyo mmoja walidumu ndani ya hekalu, wakimega mkate nyumba kwa nyumba na kushiriki chakula chao kwa furaha na kwa moyo mweupe Mdo. 2:46”



Mkate kwa misioni: Baada ya kuvuviwa na kuhuhishwa na Ekaristi Takatifu katika viwanja vya Bikira Maria Malkia wa Kawekamo  tunaalikwa kuwa wamisionari wakristo wanaotumwa katika majimbo yetu na Tanzania kwa  ujumla kuwa Mkate unaomegwa kwa ajili ya kuiletea uhai Dunia inayomeguka. Katika umisioni huo sisi sote tuliokuwepo hapa tunalo jukumu la kimisionari; ni dhahiri kwamba kongamano la Ekaristi Takatifu  la kitaifa la mwaka 2016 ni wito wa kimisionari kwetu sote kwa sababu kama tulivyotafakarishwa Ekaristi yetu ni chemichemi ya msamaha kitubio. Kama tulivyotafakarishwa Ekaristi ni msingi wa kujenga familia; ni msingi wa namna ya kumpokea Bikira Maria kama mama wa Ekaristi na kutufundisha. Hivyo Ekaristi yetu ni chemchemi  na lengo la umisionari wa kanisa.

Umisionari kwa nafsi zetu, kwa familia zetu, kwa wasiomjua Kristo bado, kwa wanaoteswa na kuteseka, kwa wanyonge, na kwa wasio na matumaini; umisionari wa kujitakatifuza katika Sakramenti ya Upatanisho, na umisionari kupitia vyama vyetu vya kitume.  



Mwisho kwa Mama Mbarikiwa, Mama wa Ekaristi, tunalikabidhi kanisa zima nchini Tanzania, tunaweka chini ya ulinzi wake.

Ee Mama mwenye kulilinda kila jimbo, kila parokia na kila familia , tufundishe kuipokea, kuiishi, kuitetea na kuishuhudia Ekaristi Takatifu kila tutakapokuwa. Tunamuomba Mama yetu Malkia wa Kawekamo, alilinde jiji la Mwanza na watu wake, na alilinde Taifa zima la Tanzania ili amani, haki, upendo, heshima kwa hadhi na utu vidumu na kutawalahapa na nchini kote.



 KRISTO  NDANI YENU,TUMAINI LETU LA UTUKUFU

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more