Askofu Chengula: Padri bora hanywi pombe kilabuni

-
Na Izack Mwacha, Mbeya
WITO umetolewa kwa viongozi wote wa kiroho hususani mapadri kutambua kuwa kunywa pombe kilabuni siyo tabia za padri mzuri ambaye anamuwakilisha Kristo Duniani.
Wito huo umetolewa na Askofu wa Jimbo Katoliki Mbeya Mhashamu Evaristo Chengula wakati wa Ibada ya Misa Takatifu ya Daraja ya upadri kwa Shemasi Jacob Machibya, iliyofanyika Parokia ya Chunya Jimboni Humo.
Katika homilia yake Askofu Chengula amebainisha kuwa yapo mambo mengi ambayo yanawezesha kujua kiongozi bora na muadilifu mbele za watu, lakini kipimo ambacho pia kitaimarisha zaidi  nafasi ya kiongozi kama padri muwakilishi wa Kristo ni pamoja na kufanya mambo sahihi na kwa wakati.
“Sidhani kama litakuwa jambo la busara kwa padri kukaa kilabuni na kuanza kunywa pombe, hapana hiyo siyo tabia njema” amesisitiza Askofu chengula.
Katika hatua nyingine Askofu Chengula amewaasa viongozi wa Halmashauri Walei kuwa na uwezo wa kuzungumza na mapadri wao bila ya kuwa na wasiwasi na jambo lolote, na hiyo itakuwa na tija zaidi tofauti na kuzungumza wao binafsi bila ya kumfikishia ujumbe muhusika, kwa kufanya hivyo ni wazi kuwa wanatenda dhami na pia muafaka hautapatikana.
“Padri siyo malaika naye anakosea lakini unakuta viongozi wa Halmashauri Walei wanaogopa kumuambia wanakaa kimya. Hapana hiyo siyo sawa kwani kazi ya padri ni pamoja na kukemea yaliyo mabaya, sasa kama ukiona na yeye anakosea ni laazima utafute njia nzuri ya kumrudisha na siyo kukaa kimya” amesema Askofu Chengula huku akiongeza kuwa katika mazungumzo mambo mengi yanafanikiwa.
Wakati Askofu chengula akiwaasa walei kuwaombea mapadri na watawa pia amekumbusha kuwa jukumu la kuombea miito mitakatifu nalo ni la kila mkristo, na itasaidia watoto wengi zaidi kuwa na hamu ya kumtafuta Kristo kupitia Daraja Takatifu ya Upadri.
Katika ibada hiyo ya misa iliyofanyika tarehe 16/08/2019 katika Parokia ya Chunya jimbo la Mbeya,  Shemasi Jacob Machibya amepewa Daraja Takatifu ya Upadri na Askofu Evaristo Chengula huku akimuahidi sala na maombi yake ili aweze kudumu vema katika nafasi yake ya upadri.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more