Askofu Kinyaiya aonya vijana juu ya mitandao

-
Na Mwandishi wetu Dodoma
askofu Mkuu wa Jimbo Kuu Katoliki Dodoma Mhashamu Beatus Kinyaiya amewataka wazazi na walezi kuwa na jicho la pekee kwa vijana wao ambao wanaishi katika kizazi chenye kasi ya maendeleo ya utandawazi.
Akofu Mkuu Kinyaiya amesema hayo kwenye Ibada ya Misa Takatifu ya Kilele cha Jubilei ya miaka hamsini tangu kutabarukiwa kwa Kanisa la Mtakatifu Paulo wa Msalaba Jimbo Kuu Katoliki Dodoma.
Jubilei hiyo imeenda sambamba na kutoa Sakramenti ya Kipaimara kwa vijana 75.
Askofu Kinyaiya amewataka wazazi na walezi kuwasimamia vijana wao vema katika suala la maadili kwani ulimwengu wa sasa umeghubikwa na utandawazi mkubwa wa teknolojia ambayo kwao wakiitumia vizuri itawasaidia na wakiitumia vibaya itawapoteza.
“Vijana wa sasa wanaishi mitandaoni na wanasikia kelele nyingi. Ni vyema wazazi wakendelea kuwaelekezaa, kuwaonesha mjia sahihi.
Pia kuwaelekeza kujua namna ya kuchuja sauti mbalimbali za mitandao, kuchuja mitindo ya maisha ambayo ni kinyume na maadili yetu,” amesema Askofu Mkuu Kinyaiya.
Pia amewataka vijana 75 ambao wameimarishwa kwa sakramenti ya Kipaimara kuhakikisha kuwa wanakuwa  askari hodari Yesu Kristo katika kulitangaza neno la mungu popote pale watakapokuwepo.
Pia amewataka waimarishwa hao kuhakikisha kuwa wanaisoma biblia ambayo kwayo itakuwa ni nguzo muhimu ya kuwakuza kiimani na kiroho.
Kwa nyakati tofauti, Makamu wa Askofu Mkuu Jimbo Kuu Katoliki Dodoma Padri Chesco Msaga amesema  kuwa dhambi iliingia ulimwenguni kwa kiburi, kutotii, kutosikiliza sauti ya mwenyezi Mungu na kutosikiliza maagizo yake mwenyezi Mungu.
Hayo ameyaeleza alipokuwa akitoa homilia yake katika Ibada ya Misa Takatifu ya Sikukuu ya Bikira Maria Mkingiwa wa Dhambi ya Asili,ibada iliyokwenda sambamba na wanovisi 10 wa Shirika la Upendo wa Bikira Maria Mkingiwa Dhambi ya Asili na kuweka  nadhiri  za kwanza ndani ya shirika hilo.
Amewaasa wanovisi hao ambao wameweka nadhiri za kwanza za utawa  kuwa Mungu amewaita kuishi maisha ya useja, na kuweka nadhiri ya ufukara hivyo hawatajilimbikizia mali bali watatumia vyote kwa sifa na utukufu wa mwenyezi Mungu.
Wanovisi  walioweka nadhiri za kwanza ni Agatha Urassa, Alice Kamwara, Editha Yunde, Felista Laurenti, Jonisia Munyi, Mary Okello, Moureen Ogwaro, Veneranda Sangawe, Victoria Richard pamoja na Winny Francis.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more