Walei ni uhai wa Kanisa-Askofu Ruzoka

-
Na Thomas Mambo-Tabora
Askofu Mkuu wa Jimbo Kuu Katoliki Tabora  Mhashamu Paul Ruzoka amewakumbusha walei kuchukua nafasi yao katika Kanisa bila kusahau wajibu wao wa kutakatifuza malimwengu bila kusita kwani ni wajibu wao.
Rai hiyo ameitoa hivi karibuni alipokuwa akitoa mahubiri yake katika kanisa la kiaskofu la Mtakatifu Terezia wa Mtoto Yesu Tabora na kuhimiza waaamini kukimbia dhambi na kuishi maisha yanayompendeza Mungu wakiwa bado hapa duniani.
Akitoa mahubiri yake Askofu Mkuu Ruzoka amesema Mtaguso wa Vaticano wa mwaka 1965 ulioweka wazi nafasi ya walei kuwa ni moja ya nguzo muhimu katika uhai wa Kanisa,”Walei ni wengi, wana nguvu na wanapatikana katika kila sehemu kama vile, mitaani, vijijini, vigangoni , maeneo ya kazi, na hata maeneo ya  biashara wakitumika vizuri wana nguvu kubwa ya kueneza Imani Katoliki,” Askofu Mkuu Ruzoka amesema.
Aidha amesisitiza umuhimu wa familia zote kuishi Imani Katoliki na kudumisha maadili katika ndoa zao  ili kupata mapadri na watawa wenye kupeleka sura ya Kristo Yesu kwa watu.
Pia amewaomba mapadri  kuonesha umuhimu wa huduma ya padri katika Kanisa, kwani bila mapari Imani Katoliki iko mashakani, na hivyo kutoa wito kwa mapadri wote kuhudumia waamini kwa moyo wa upendo na furaha.
Mapadri ndio wanao walisha watu Neno la Mungu na Sakramenti za Kanisa, hivyo wazazi wote hawana budi kulea miito mitakatifu katika famili zao.  Katika Adhimisho hilo la Misa Takatifu Jubilei ya miaka 50 tangu kuanzishwa kwa Idara ya Halmashauri walei ilizinduliwa.
Katika sherehe hiyo ya Familia kijimbo, madekano wa dekania zote tatu walitoa taarifa ya michango ya kutegemeza ofisi ya Askofu na kupokelewa.Aidha katika Misa hiyo, Askofu Mkuu Ruzoka aliwaalika waamini wote kumshukuru Mungu kwa kutimiza miaka 90 kijimbo tangu kupatikana kwa mapadre watatu wanajimbo, yaani Padre .Philipo Luziga, Padre Simoni Makulumo, na Padre Raphael Kavula ambao wote ni Marehemu.
Akimalizia mahubiri yake , Askofu Mkuu Ruzoka amewaalika mapadri, watawa na waamini wote kutolea sala zao na kumuombea aliyekuwa Askofu wa Jimbo Katoliki  Mbeya marehemu Askofu Evarist Chengula pumziko la milele.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more