‘Ukristo ni vita’ Ask. Amani

-
Na Erick Paschal, Moshi
WAKRISTO wakatoliki nchini wametakiwa kutambua kuwa ukristo ni vita na mapambano ambapo maisha ya hapa duniani ni ya muda kwa ajili ya kujiandaa na maisha ya milele.
Rai hiyo imetolewa na Askofu Mkuu Isaac Amani wa Jimbo Kuu Katoliki Arusha wakati akitoa homilia yake kwenye adhimisho la Misa Takatifu ya kilele cha Jubilei ya miaka 150 ya Uinjilishaji Tanzania Bara kanda ya kaskazini, Misa iliyoambatana na sherehe ya Bikira Maria mpalizwa mbinguni.
Askofu Amani amesema kuwa mpango wa Mungu mara zote ni kumuokoa mwanadamu, na maovu anayoyatenda mwanadamu yanakwenda kinyume na mpango wa Mungu, kwa kuwa Mungu anashughulikia wokovu kwa sababu binadamu ana thamani mbele yake.
Askofu Amani amesisitiza kuwa kila mwanadamu hana budi kujitathmini na kujichunguza kwani mpango wa Mungu siku zote ni wokovu hivyo kila mmoja ana wajibu wa kujiuliza kama ni wakala wa Mungu ama wa shetani kwa matendo.
Vijana ni zamu yenu kuwa wamisionari
Wakati huo huo vijana na watoto wakatoliki nchini wametakiwa kuienzi roho ya kimisionari, ili siku moja wote wakutane mbinguni.
Wito huo umetolewa na Askofu Rogath Kimaryo wa Jimbo Katoliki Same wakati akitoa salamu katika Misa ya Kilele cha miaka 150 ya Ukristo Tanzania Bara kanda ya Kaskazini.
Askofu Kimaryo amesema kuwa roho ya kimisionari ni roho ya kanisa na ni asili yake, hivyo ameomba roho hiyo iwaguse vijana wote wa kike na wa kiume ili wazaliwe wamisionari wapya.
Katika hatua nyingine Askofu Kimaryo amewataka mapadri hasa wa majimbo nao kujenga roho ya kimisionari akisema kuwa lazima mapadri wawapende wamisionari, vijana, masista ili wazidi kuieneza habari njema ya wokovu kwani hiyo ndiyo furaha ya injili.
Naye Msimamizi wa Kitume  wa Jimbo Katoliki Moshi Padri Deogratias Matika ametoa rai kwa waamini  kuzingatia sakramenti zote saba walizopewa na Kristo hasa zile zinazowahusu na kuacha kuutafuta unafuu.
Padri Matika amesema kuwa kila mmoja akisimama kwa kile alichofundishwa akiwa kama mklero, muumini mkatoliki na mtawa basi ufalme wa Mbinguni ni juu ya kila mmoja.
Misa ya Kilele ya miaka 150 ya Uinjilishaji Tanzania Bara, kanda ya Kaskazini imefanyika katika Parokia watakatifu Malaika wakuu Himo, Jimbo Katoliki la Moshi na imeongozwa na Askofu Mkuu Isaac Amani wa Arusha, Askofu Rogath Kimaryo wa Same, Askofu Antony Lagwen wa Mbulu na Msimamizi wa Kitume wa Jimbo Katoliki la Moshi Padri Deogratias Matika.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more