Iringa wapata mashemasi 10

-
Askofu wa Jimbo Katoliki Iringa Mhashamu Tarcisius Ngalalekumtwa, Jimbo la Iringa, hivi karibuni ametoa Daraja Takatifu la ushemasi kwa waseminari kumi katika Kanisa Kuu la Kiaskofu la Moyo Mt. wa Yesu Parokia ya Kihesa.
Waliopata daraja hilo la ushemasi ni Mseminari Alfred Msanzi (Kihesa), Barnabasi Kalinga (Mafinga), Betram Kigodi (Usokami), Eugen Ngatunga (Migoli), Festo Kitosi (Consolata –Mshindo),
 Florence Mlangwa (Ifunda). Jayfa-Zacharia Kayage (Madege), Moses Mgimiloko (Tosamaganga), Nelson Mapembe (Ifunda) na mseminari Polycarp Kindole wa Parokia ya Usokami.
 Askofu Ngalalekumtwa amesema kuwa maaskofu na mapadri wanahitaji wasaidizi ambao ni mashemasi na hatua wanayoindea ina madai makuu ya wema.
 “Maaskofu na mapadri wanahitaji msaada wenu maana tuna kazi nyingi. Mtawasaidia kutangaza neno la Mungu na kutoa sakramenti kadhaa ukiwemo ubatizo, komunyo na ndoa,” amesema Mhashamu Ngalalekumtwa na kuongeza kuwa;
 “Ninyi ni watumishi wa Kristo na Kanisa lake, washiriki na wajenzi wa Kanisa la Mungu, mna vitabu vya sala na muwe na matendo ya uadilifu na wema wenye kujaa roho Mtakatifu na hekima” amesema.
 Amewaambia Mashemasi hao kuwa wamependelewa nafasi hiyo na Kristo hivyo hawapaswi kumuangusha sababu anabaki kuwa mpole na mwema.
 Ameeleza kuwa, Daraja la Takatifu la Ushemasi ni hatua ya mpito, wapo safarini wanapoelekea kwenye ngazi ya ukuhani na hivyo waamini wanapaswa kuwa nao katika sala ili wamalize salama. 
Aidha, kwa nyakati tofauti, Mhashamu Askofu Ngalalekumtwa mwanzoni mwa juma amesali na watoto wa shirika la Utoto Mtakatifu katika Parokia ya Kihesa, huku akiwataka watoto hao kuwaombea viongozi wa serikali ili wawe na haki na watawale kwa amani.
 Ni utaratibu ambao askofu Ngalalekumtwa amejiwekea kusali na watoto kila mwanzoni mwa mwaka na kuwabariki katika masomo yao.
 Mwaka huu watoto hao wamesali kutoka parokia 9 za Vikaria ya Consolata ambayo inahusisha parokia 11 za Jimbo la Iringa.
 “Salini kwa ajili ya wazazi wenu, walezi na walimu wenu, muwaombee pia viongozi wawe na haki na watawale kwa amani, tutunze amani duniani.
 Pia mjifunze mambo mazuri kutoka kwa Yesu ambayo ni wema, upole, ukweli na uaminifu, usafi na matendo mema na unyenyekevu,” amesema Mhashamu Ngalalekumtwa.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more