Askofu Msonganzila akemea ukatili kwa watoto

-
Askofu wa Jimbo Katoliki Musoma Mhashamu Michael Msonganzila amekemea ukatili unaoendelea kwa watoto katika jamii akisema kuwa ni unyama kwa watoto ambao hawawezi kujitetea.
Askofu Msonganzila ameyasema hayo hivi karibu katika Misa Takatifu ya kumshukuru Mungu kwa kumaliza mwaka 2017 salama na kuvuka mwaka mpya salama,  iliyofanyika katika Kanisa Kuu la Maria Mtakatifu Mama wa Mungu.
Amesema kuwa, kumekuwepo na ongezeko kubwa la vitendo vya ukatili kwa watoto wadogo ambavyo vinahusishwa na  chuki na hasira ambavyo vyote ni  kinyume na mapenzi ya Mungu  na uumbaji.  
“Matendo ya kikatili kwa watoto yanazidi kuongezeka kwa kasi, tunamtesa mtoto kwa kumchoma moto kwa kupoteza shilingi 100 au kwa kulamba sukari.
Nani asiyefahamu maumivu ya moto? Ni mateso makali sana. Mtoto wa miaka miwili ama mitatu unamchoma kwa nini usimuonye kwa kumkemea au kumpa adhabu inayoendana na umri wake?
Wakristo wenzangu watoto ni zawadi kutoka kwa Mungu, wadogo hawa hawana pa kukimbilia,” amesema.
 Amesema hakubali wala hatambui kauli inayosema ‘Watoto wa mitaani’ kwani hakuna mtoto wa mitaani, wanaokuwepo mtaani wamekimbia mateso nyumbani.
“Naombeni sana kila mmoja atumie siku hii kuomba toba, kujitakasa na kama mtu amethubutu kushiriki kutoa mimba hata awe mume naombeni sana mtubu dhambi ili kuanza mwaka kwa amani na utulivu “alisema Askofu Msonganzila.
Aliwaomba waamini wa Jimbo hilo kuhakikisha wanapunguza mizigo mingi ya hasira ambayo ndio inayosababisha matendo ya kinyama  yakiwemo mauaji yasiyo na hatia, ukatili kwa watoto wadogo na wanawake pamoja na ugomvi ndani ya jumuiya na familia zao. 
“Ugomvi, chuki na na hasira ndiyo chanzo cha uvunjifu wa amani, ndugu zangu tusikubali kubeba kilo 100 za hasira maana ukiwa na hasira na usijue kuizuia hasira yako unaweza kusababisha mambo mabaya yasiyompendeza Mungu.
Tujitahidi mwaka huu uwe mwaka wa baraka na mafanikio kwa kila mmoja wetu, kwa kuanza kuweka mipango mizuri ndani ya familia zetu na kukemea vitendo vya ukatili katika jamii yetu,” amesema Askofu  Msonganzila.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more