KILI MARATHON ITUNZE NA KULINDA UUMBAJI-DOKTA AIDAN MSAFIRI

-


Moja kati ya maeneo yaliyoathirika na mabadiliko ya tabia nchi ni mji wa Moshi mkoani Kilimanjaro.Ni wazi kuwa nyuzi joto kufikia 35,mvua za kusuasua na maralia za milimani yote haya yamesababishwa na ukataji na uchomaji miti pamoja na shughuli nyingine za kibinadamu.
Na hata katika barua yake,Baba Mtakatifu Papa Francis ameendelea kuikumbusha dunia juu ya wajibu wa wanadamu kutunza na kwa kiwango kikubwa kuuheshimu uumbaji. Katika sura ya tano ya barua ya Papa Francis,ameeleza wazi hatua mbalimbali za kuchukua.Bila kuuheshimu uumbaji hakuna maisha tena.
Mashindano ya Kili Marathoni yenye historia hapa nchini na nje,mwaka huu yameshirikisha wakimbiaji 8,000 wenye sifa kadhaa lakini zaidi wenye imani,wanaoamini uumbaji na wanaomuamini Mwenyezi Mungu.
Naamini kuwa mashindano haya yenye heshima kubwa yanaweza kuwa kielelezo kizuri katika njia  hizi,kuwa chachu ya mshikamano baina ya wanadamu na kuleta amani,kuleta mshikamano na uumbaji katika kulinda na kuheshimu mazingira,mshikamano wa matajiri na masikini katika matumizi sahihi ya rasilimali za dunia hii,mshikamano baina ya imani mbalimbali.
Kielelezo cha Kili Marathoni kina sura hizi,sura ya mlima mrefu ambao katika biblia Takatifu umeelezwa katika Mika 4:2,Isaya 52:7,kumbe wakimbiaji ni vizuri wakazingatia na kutafakari kwa kina juu ya kuuhifadhi mlima Kilimanjaro na mambo ya biblia kiimani.Pia sura ya kukimbia imeashiriwa katika Isaya 40:31,Wakorintho wa kwanza 9:24 na Waebrania 12:1.
Ili kuweza kutunza na kulinda mlima Kilimanjaro na uumbaji wa Mungu kwa ujumla,lazima wanakanisa,serikali na wadau wote waweke dhamira  ya kufufua na kuendeleza,kuziishi tunu kadhaa zikiwemo,kiasi,kujali,kuheshimu,hekima,uwajibikaji,maendeleo endelevu yenye sura ya kibinadamu,mapendo ya kweli kwa Mwenyezi Mungu,wenzetu na uumbaji Mathayo 22:37-39,huruma kwa masikini,rasilimali,ardhi,maji,misitu na rasilimali na vizazi vijavyo.
Kwa ufupi baba Mtakatifu Francis katika barua yake ya kulinda ulimwengu anamwita kila mwanadamu pale alipo kuwa balozi mzuri wa utetezi wa haki za uumbaji na wanadamu kwa ujumla.Elimu kwa watoto na vijana ni kipaumbele ili kufikia lengo la Papa Francis.
Ni vizuri mashindano ya Kili Marathoni ya mwaka ujao 2017 yawe na sura za kiimani na kimaadili pamoja na kuwa na sura za utalii wa kibishara zaidi.Suala la upandaji wa miti 8,000 liwe endelevu pia.
Mwandishi wa makala hii ni balozi wa mabadiliko ya tabia nchi Tanzania.Anapatikana kwa anuani hii S.L.P 3041 Moshi Tanzania.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more