HOTUBA YA PAPA JUU YA WANAWAKE MASHEMASHI:VATICAN YATAHADHARISHA

-

Mkurugenzi Mkuu wa Ofisi ya habari ya Vatican na Jimbo Takatifu  kwa Ujumla, Padre Federico Lombardi, ametoa ufafanuzi juu ya hotuba ya Papa Francisko wakati akikutana na Wakuu wa Mashirika ya Kike , akisema , Papa Francisko hajasema kama analenga kuanzisha utaratibu wa kutoa daraja la ushemasi au ukuhani kwa wanawake bali alikubaliana na Masista kuunda Tume ya kuchunguza zaidi majukumu yaliyofanywa na Mashemasi wanawake katika kanisa la mwanzo.  
Padre Lombardi ametoa maelezo haya kufuatia  taarifa nyingi za vyombo vya habari, baada ya Papa kukutana na Wakuu wa Mashirika na Taasisi za Watawa wa Kike, wakati wa kipindi cha maswali na majibu , Alhamisi iliyopita, katika ukumbi wa mjini Vatican, ambamo kati ya mengine pia , alijibu swali  lililouliza juu ya   uwezekano wa Kanisa kuwa na  mashemasi wa kike.   Masista  Mama Wakuu wapatao 900, walikutana na Papa, kama sehemu ya  Mkutano wao  Mkuu wa  Umoja wao wa Kimataifa, uliokuwa ukiendelea  hapa Roma.  
Mkutano wa Baba Mtakatifu  Francisko na Masista ulidumu kwa muda wa saa moja na nusu, ambamo walizungumzia maswala mbalim mbali  juu ya utume na majukumu ya wanawake katika maisha yao kidini. Na  Papa alijibu maswali kadhaa nyeti , ikiwemo nini kinachozuia hasa Kanisa kuwapa wanawake hata daraja la Ushemasi wa  kudumu , kama ilivyokuwa katika maisha ya  Kanisa la mwanzo. Katika jibu lake, Papa alisema,  uelewa juu ya jukumu la mashemasi wa kike katika Kanisa la Mwanzo  si bayana na hivyo walikubaliana na Masista kwamba , itafaa kuunda Tume ya kuchunguza zaidi juu ya  suala hili.
Padre Federico Lombardi ametaja  Mkutano huu wa  Papa na Masista toka duniani kote, kwamba yalikuwa ni mazungumzo mazuri yenye  kutia  moyo  kuhusu  uwepo wa wanawake katika utume wa Kanisa na hasa maisha ya wanawake waliotolea maisha yao huduma  ya Kanisa ikiwa ni pamoja na wajibu wao katika nafasi muhimu ndani ya  Idara mbalimbali za Kanisa ambako  wakfu wa kikuhani hauhitajiki.
Akizungumzia juu ya maoni mengi yaliyotolewa juu ya maelezo ya Papa kuhusu kuunda Tume ya kuchunguza  suala la mashemasi wa kike, Padre Lombardi amesema , suala hili limekuwa likiongelewa  ndani ya Kanisa hata katika siku za nyuma, kutokana na ukweli kwamba wakati wa  Kanisa la mwanzo, kulikuwa na wanawake  wanaotajwa kama Mashemasi ambao walifanya kazi fulani ndani ya jamii ya kikristo, lakini majukumu hayo hayakutajwa bayana.
Padre Lombardi anasema kuna haja ya kuwa waaminifu katika jambo hili, wakati tunatoa maoni juu ya maneno ya Papa  Francisko, ambamo alitaja juu ya kuanzisha Tume ya kutazama  tena  suala hili kwa uwazi zaidi, majukumu yaliyofanywa na Mashemasi wanawake wakati wa kanisa la mwanzo . Papa hakusema yeye anakusudia kuanzisha  utaratibu wa kuweka  mashemasi wa kike na wala  hakuzungumzia juu ya  Daraja la Ukuhani kwa  wanawake. Na kwamba,  Papa katika mahubiri yake ya wakati wa maadhimisho ya Ibada ya Ekaristi , aliweka wazi kwamba suala hili liko nje ya fikra zake.  
Padre Lombardi pia amesema ni makosa kupuuzia mengine yote muhimu yaliyozungumzwa na Papa Francisko wakati akikutana na Masista ,  na kung’ang’ania  hoja moja tu ya uwezekani wa Ukuhani  kwa wanawake kama  vile hapakuwa na mengine hayakuzungumzwa. 

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more