Ask. Lebulu: Tuwapende hata wale wanaotupiga vita

-
ASKOFU Mkuu wa Jimbo Kuu Katoliki Arusha, Mhashamu Josaphat Lebulu amesema kuwa huruma ya Mungu inatoa fursa kwa wanadamu kudumu katika upendo, kwa kuwapenda hata wale wanaowapiga vita, kama Mungu alivyo tayari kuwasamehe wema na wabaya.
Ameeleza hayo wakati wa Adhimisho la Misa Takatifu ya kufunga Mwaka Mtakatifu wa Yubilei ya Huruma ya Mungu jimboni Arusha, lililofanyika katika viwanja vya Kanisa Kuu la Mtakatifu Thereza, na kuhudhuriwa na mamia ya waamini wa jimbo hilo.
Askofu Lebulu amesema kuwa baada ya kufungwa kwa yubilei hiyo, waamini wanaalikwa kutoka na kuionesha huruma ya Mungu kwa watu wote hasa wanaoihitaji zaidi. Ametoa rai kwa waamini hao kuitambua huruma ya Mungu, inayotenda kazi kati ya watu na ndani ya watu.
“Leo tunafunga yubilei ya huruma na siyo kufunga huruma ya Mungu. Tunafunga yubilei na sasa tuendelee mbele tukiwa kama watu tuliofaidi huruma ya Mungu. Tuendelee na hamasa tuliyoionja katika fursa mbalimbali kama makongamano na hija” ameeleza Askofu Lebulu.
Aidha Askofu Lebulu ametoa rai kwa waamini kuwa tayari kusamehe wengine, na kupokea msamaha kutoka kwa wenzao, ili waweze kuushinda ubaya kwa wema.

Pia amewatoa mashaka waamini ambao wanajihoji iwapo watadumu katika mema waliyoyachuma ndani ya mwaka wa huruma ya Mungu, na kuwaambia kuwa hawana budi kujipa moyo na kusonga mbele kwa kuwa Kristo wanayemtumaini ameushinda ulimwengu.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more