‘Wakatoliki ishini ukatoliki wenu’

-
Na Ivetha Kimburu, Iringa
WAAMINI wa Kanisa Katoliki wametakiwa kuishi maisha yaliyo mema katika Familia, Jumuiya , mitaa yao pamoja na jirani zao, ili Mwenyezi Mungu aweze kuidhihirika ndani mwao kila siku za maisha yao.
Hayo yameelezwa na  Makamu wa Askofu wa jimbo Katoliki la Iringa ambaye pia ni Paroko wa Parokia ya Ifunda Padri, Vicent  Mwagala wakati wa mahubiri yake kwa Waamini wa Parokia hiyo wakati akiadhimisha Sadaka ya Misa Takatifu ya kupaa Bwana.
Padri Mgwagala amesema kuwa, Mungu kamwe hawezi kujitenga nao na daima yuko kati yao kupitia Roho Mtakatifu ,ambaye anawaangazia ili Kristo aliyepaa Mbinguni aendelee kuishi ndani yao, kwani katika Kristo Waamini Wote wanatumaini kuufikia ufamle wa mbingu.
Ameongeza Kuwa zawadi ya Roho Mtakatifu kutoka kwa Mungu inawasaidia Waamini kutambua kuwa, wao wameunganika na Kristo aliyekichwa cha Kanisa, na kupitia kwake ndipo nao wataweza kufika mbinguni kwa Baba, lakini ili waweze kufika huko ni lazima wajibidishe.
Aidha Padri Mwagala ameeleza kuwa, Waamini wanapaswa kutambua kuwa wao ni tabernakulo pale wanapompokea Yesu Kristo wakiwa katika hali iliyo njema, kwani Yesu Kristo anaingia ndani mwao mzima na Mungu kweli, na hivyo wanatakiwa kuwaka daima moto wa mapendo, kama vile taa ya milele inavyowaka mbele ya Yesu wa Ekaristi.
Padri Mwagala amehitimiha mahubiri yake kwa kuwata, kuendelea kumuomba Mama Bikira Maria ili awe msaada kwao, na pia aendelee kuwaombea kwa mwanae, ili waweze daima kutambua uwepo wake  katika neno lake, huku nawao wakikubali kujitoa sadaka katika kuwasaidia wale wote wanaohitaji msaada wao.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more