Maaskofu wa Chile wakutana na Papa mkutano wa dharura

Roma

MAASKOFU wa Chile wapo Roma wiki hii kwa ajili ya mkutano wa dharura na Papa Fransisko, ambaye anataka kukabiliana na mgogoro wa unyanyasaji wa kijinsia uliojificha katika Kanisa nchini mwao.

Maaskofu  thelathini na moja wa Chile watashiriki, pamoja na wachache  waliostaafu.

Mkutano huo utaanza Mei 15-17 ambapo Kardinali Cardinal Francisco Javier Errázuriz wa Chile anahusika zaidi na  mzozo huo kwani anashutumiwa na waathirika wa unyanyasaji na Mahakama ya Jinai ya Vatikani kufunika kesi ya Padri Fernando Karadima, ambaye alikuwa kuhani maarufu nchini Chile, baada ya kupata hatia ya unyanyasaji wa kijinsia miaka kadhaa iliyopita.

Taarifa kutoka Vatikani zimeeleza kuwa, mkutano utafanyika kwa siri, na kwamba Baba Mtakatifu angewasilisha maaskofu wa Chile kwa hitimisho lake kwa misingi ya hati ya 2300 ya uchunguzi wake maalum.

Maaskofu wa Chile wanasema kuwa, makosa yalifanyika wakati wa kushughulikia kesi za unyanyasaji wa kijinsia wakati huo.

 Askofu Fernando Ramos wa Chile amesema maaskofu wa Chile wameona ‘maumivu na aibu’ kuhusu unyanyasaji wa kijinsia uliofanywa na viongozi wa Kanisa nchini Chile.

“Sisemi kwamba labda tumefanya makosa, la hasha! Tumefanya makosa, “amesema Askofu Juan Ignacio Gonzalez Errazuriz wa Jimbo la San Bernardo Chile.

Askofu Gonzalez, pamoja na Askofu Msaidizi Fernando Ramos Perez wa Santiago, wamesema hayo wakati walipokutana na waandishi wa habari Mei 14 mwaka huu Roma walipohudhuria  mkutano huo wa  siku tatu .

Akijibu barua ya Papa Aprili 11 mwaka huu kwa Maaskofu wa Chile, Askofu Ramos aliwaambia waandishi wa habari kuwa maaskofu waliona “maumivu na aibu” kwa sababu ya uhalifu uliofanywa na viongozi wa Kanisa.

“Kupokea habari kwamba unyanyasaji wa kijinsia ulifanyika katika jumuiya yetu iliwashangaza watu wengi kwasababu ni kitu ambacho hakikubaliki na  hakivumiliki.

Walipoulizwa kama wana nia ya kufuata maongozi wa Papa na kuomba msamaha kwa waathirika, maaskofu hao walisema hawawezi kuacha kuomba msamaha kutokana na majeraha waliyofanyiwa  waathirika hao ni ni sharti la maadili,” amesema Askofu Ramos .

“Kama Yesu alisema, tunapaswa kuomba na kutoa msamaha saba mara 70, tuna hakika kwamba tutaomba msamaha na tunatarajia kusamehewa.

Hivi karibuni, waathirika watatu wa unyanyasaji wa kijinsia kutoka Chile walikutana na Papa Fransisko kumueleza juu ya unyanyasaji wa kijinsia waliofanya viongozi wa Kanisa nchini Chile mika kumi iliyopita.

Awali Papa Fransisko  alimualika Juan Carlos Cruz, Jose Andres Murillo na James Hamilton kukaa katika Domus Sanctae Marthae, makazi ya Vatikani ambako anaishi, ili wakutane naye peke yake kuanzia Aprili 27 mpaka 29 mwaka huu. Walikutana naye tena kama kikundi Aprili 30 .

“Kwa miaka 10 tumehukumiwa kuwa maadui, kwa sababu tunapinga unyanyasaji wa kijinsia uliojificha ndani ya Kanisa.”

Cruz amesema alimueleza Papa jinsi alivyotukanwa na Kardinali Francisco Javier Errazuriz Ossa, Askofu Mkuu Mstaafu  wa Santiago na mrithi wake Kardinali Riccardo Ezzati, katika barua pepe.

“Nilishuhudia watu hawa wawili jinsi wahakuwa na heshima kwa mtu na kumnyanyasa na unyanyasaji huo ulikuwa unayojulikana kwa sababu ndivyo walivyomfanyia Jimmy (Hamilton) na Jose (Murillo) na vyombo vya habari viliripoti.

Waliniita ‘nyoka,’ waliniita kila kitu, kwasababu tu ya kusema ukweli,” Cruz alimueleza Papa.

Alipoulizwa ikiwa walipata msamaha kutoka kwa maaskofu wa Chile, Cruz alisema: “Papa Fransisko aliomba msamaha mwenyewe na kwa niaba ya Kanisa zima. Maaskofu wa Chile hajui kuomba msamaha.“

Askofu Gonzalez aliwaambia waandishi wa habari kuwa waathirika hao lazima wabaki katikati ya majadiliano yenye ukweli.

Muda mfupi baada ya mkutano na waandishi wa habari, Cruz aliandika hivi: “Sijawahi kumwona Papa kabla ya maisha yangu. Ukweli kulingana na maaskofu wa Chile ni tofauti sana na yale tunayoishi. “

“Hitimisho langu kuhusu mkutano wa waandishi wa maaskofu wa Chile - (Maaskofu) Ramos na Gonzalez - ni kwamba wanajua ukweli na wanapaswa kurudi kwenye sayari kujirudi na kuomba msamaha, “ Cruz alisema katika tweet .