Kazi ya mama ni kulea miito –Ask. Banzi

-
Na Dominic Maro, Tanga
Askofu wa Jimbo Katoliki Tanga Mhashamu Anthony Banzi amewapongeza wanachama wa Chama cha Mama wa Shauri Jema kwa kusaidia kulea na kukuza miito katika Kanisa.
Askofu Banzi amewapongeza akina mama hao hivi karibuni katika adhimisho la Ibada ya Misa Takatifu katika Kanisa Kuu la Mtakatifu Anthoni wa Padua Chumbageni jimboni humo  walipokuwa wakisherekea jubilei ya miaka 25 ya umoja wao.
 Wanashirika hao ambao wameungana kutoka Jimbo Katoliki Tanga na Morogoro wameaswa kuendeleza malezi  kwa vijana kwa manufaa ya Kanisa la Mungu na nafsi zao.
“Msitishwe na changamoto mbalimbali zinazojitokeza. Bikira Maria ambaye ni msimamisi wa umoja wenu awasaidie katika hali zote kwa kufikia maisha ya utakatifu baada ya kufanya kazi kubwa hapa dunia ya kuwasaidia na kuonesha njia ya imani yenye ukamilifu mkuu,” amesema Askofu Banzi.
Pia amewataka wanawake wengine ambao hawajajiunga na umoja huo kujitokeza kwani  ni umoja wenye faida kwa manufaa ya Kanisa kwani kazi ya mama ni kulea.
Amewakumbusha wanaume kujiunga na wanawake hao kulea miito na pia kujiunga na  mashirika na Vyama vya Kitume ili wapate nafasi ya kujiombea na kuliombea Kanisa na dunia nzima.
Ikumbukwe kuwa misa hiyo ilitanguliwa na Mkutano Mkuu wa siku tatu wa kujadili na kupanga mikakati ya kusherekea jubilei ya mika 25 ya chama cha Mama wa Shauri Jema na wakihitimisha kwa Ibada ya Misa Takatifu.
Kwa upande wake Mwenyekiti wa chama hicho Mama Teodora Mtejeta ameeleza mafanikio wanayojivunia tangu umoja huo ulipoanzishwa miaka 25 iliyopita na Askofu Thelesphor Mkude wa Jimbo Katoliki Morogoro ikiwa ni kuendelea kufanya kazi ya kulea miito mbalimbali na kuongezeka kwa wanachama wapya.
“Sisi kazi yetu kubwa ni kujitoa katika Kanisa hasa kusaidia kulea miito na hili ndilo lengo la kuanzishwa kwa chama cha Mama wa Shauri Jema na hivi sasa tumeweza kuunganisha matawi mawili Tawi la Morogoro na Tawi la Tanga,” amesema Teodora Mtejeta.
Naye Katibu wa Mama wa Shauri Jema Jimbo Katoliki Morogoro Celina Komba amesema kuwa, umoja wao umelenga kuongeza wanachama wengi wapya mpaka wafikie 80 ifikapo mwaka 2019 kwani kwa sasa wapo zaidi ya 60.
Akina mama kutoka majimbo hayo wanaaswa kujiunga na chama hicho ili kulea miito katika Kanisa kwani mama ni mlezi katika jamii.


Comments

  1. UnknownTuesday, July 17, 2018 4:54:00 PM

    Roho Mtakatifu awaongoze mzidi kufanya kazi kwa ushirikiano na kuenea sehemu nyingi katika Tanzania.

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more