Wanaume Katoliki DSM waanzisha Bima ya Afya, Maisha

-
Askofu Mkuu Mwandamizi  wa Jimbo Kuu Katoliki Dar es Salaam Mhashamu Jude Thadeus Ruwaichi akimkabidhi Mwenyekiti wa UWAKA Jimbo Kuu Katoliki Dar es Salaam Ndugu Amedeus Mosha kadi za Bima ya Afya  mara baada ya kuzindua Mradi huo Dar es  Salaam katika sikukuu ya Mtakatifu Yosefu Msimamizi wa Wanaume Wakatoliki iliyofanyika katika  kituo cha hija Pugu (Picha na Philipo Josephat)




Na. Philipo Josephat-Dar es Salaam
Umoja wa Wanaume wakatoliki wa Jimbo Kuu Katoliki Dar es Salaam umeanzisha Bima ya Afya na Bima ya Maisha.
Askofu Mkuu Mwandamizi wa Jimbo Kuu Katoliki Dar es Salaam Mhashamu Yuda Thadei Ruwaichi amezindua kadi za Bima hizo hivi karibuni baada ya kuhitimisha Ibada ya Misa Takatifu siku ya wanaume katoliki (UWAKA) katika Sherehe ya Msimamizi wao Mtakatifu Yoseph iliyofanyika kwenye kituo cha hija Pugu  jiji Dar es Salaam.
 Askofu Ruwaichi amewapongeza wanaume Katoliki Jimbo Kuu Katoliki Dar es Salaam kwa ubunifu mkubwa wa kuanzisha Kampuni ya Bima ya Afya na ya maisha  itakayowasaidia waamini na watu katika hali tofauti za maisha yao.
Aidha amewataka waendelee na ubunifu mbalimbali na kubuni Bima ya Elimu itakayo wasaidia watoto wengi wanaokosa haki ya elimu.
“Bima ya Elimu ni ya muhimu sana kwani itasaidia watoto hasa kutoka kwenye kaya masikini kupata elimu kwa urahisi na uhakika.  Endapo UWAKA  mtafanikisha hili linaweza kustaajabisha watu na taifa,” amesema.
Kwa upande mwingine, Askofu Ruwaichi ameonesha kutoridhishwa na ushiriki wa wanaume katika jumuiya Ndgondogo za Kikristo.
 Amesema tangu afike katika Jimbo Kuu Katoliki Dar es Salaam na kuzitembelea jumuiya ndogo ndogo amekutana na changamoto ya wanaume kutohudhuria kwenye Jumuiya ndogondogo  na kusema kuna haja ya kuchukua hatua ili kukomesha tatizo hili kwa wanaume.
Amewataka wanaume wakatoliki (UWAKA) kubadilika na kuwa watu wa kuhudhuria Jumuiya ndogondogo za Kikristo ili kuimarisha Kanisa.
Amesema kuna haja ya kuchukua mawasiliano ya simu ili pindi inapofika ijumaa wakumbushwe  kuhudhuria ibada za jumuiya.
Aidha katika homilia yake kwa wanaume wote wakatoliki waliohudhuria ibada hiyo na kusindikizwa na akina mama na watoto Askofu Ruwaichi amesema ukimwacha Bikira Maria Mtakatifu Yosefu ndiye Mtakatifu maarufu zaidi kuliko wote na ili mtu aweze kuyajua haya hanabudi kuyapapasa Maandiko Matakatifu.
Amesema kuwa, Mtakatifu Yoseph kama baba wa Familia Takatifu alikuwa mtu wa haki hivyo akina baba wote wanatakiwa kuwa watu wa haki kama alivyo somo na msimamizi wao.
“Haki ni kumpa kila mmoja mastahili yake, Mt.Yoseph alikuwa mtu wa haki, je wewe baba, mtawa, ni mtu wa haki? Mungu anayomastahili yake kwetu, ametuumba, anatutawala, ana haki ya kutumikiwa na kuheshimiwa ni katika namna hiyo tunampa Mungu mastahili yake,” amesema.
Askofu Ruwaichi amewataka wanaume wajue kuwa wao ni muhimili katika Taifa hivyo wanapaswa, kulilinda na kulitegemeza Kanisa kwa vipaumbele vilivyopo sanjari na mumwombea Baba Mtakatifu aliongoze vema Kanisa na kuliombea Jimbo.
Mtakatifu Yosefu ni msimamizi wa wanaume wakatoliki wote, hivyo kila mwaka wanaume wa Jimbo Kuu Katoliki  Dar es Salaam huadhimisha Ibada ya Misa Takatifu ya somo wao katika viwanja vya hija Pugu na kwa mwaka huu ibada imeongozwa na Askofu Mkuu Mwandamizi wa Jimbo Kuu Katoliki La Dar Es Salaam Mhashamu Yuda Thadei Ruwaichi na Askofu msaidizi Eusebius Nzigilwa wa Jimbo hilo pamoja na mapadri na watawa na wa kike.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more