MADHARA YA TETEMEKO BUKOBA:KANISA KATOLIKI LAATHIRIKA, MISAADA YAHITAJIKA

-
Sarah Pelaji, Dar es Salaam

BAADA ya tetemeko la ardhi kuukumba mkoa wa Kagera, Askofu Msaidizi wa Jimbo Katoliki Bukoba Mhashamu Methodius Kilaini ameeleza kuwa, Kanisa Katoliki limepata maafa na hasara ikiwemo kuharibika kwa nyumba ya Askofu wa Jimbo hilo, Mhashamu Desiderius Romwa, nyumba yake anayoishi, makanisa, shule zinazomilikiwa na Kanisa, Chuo Kikuu (SAUT) tawi la Bukoba na nyumba za mapadri.

“Kwakweli si Kanisa tu lililopata maafa bali jamii nzima. Nyumba nyingi zimeanguka, watu analala nje, hawana makazi, wamefariki na kupata majeruhi.

Kwa upande wa Kanisa hali ni mbaya maana Kanisa la kwanza kujengwa katika Mkoa wa Kagera la Kashozi ambalo lilijengwa mwaka 1892-1897 limepata nyufa amabzo zinaweza kusababisha Kanisa hilo likaanguka. Nyuma ya Askofu wa Jimbo huko Ntungamo nayo imapata nyufa hadi amahamia kwenye kichumba ambacho kwakweli anajisitiri tu.

Mimi mwenyewe nimehama kwenye nyumba yangu ya kuishi kwani imepata nyufa na vitu vimeharibika hapafai kuishi. Nyumaba ya mapadri huko kashozi nayo imaharibika haifai kuishi mtu hivyo mapadri wanalala nje kwenye magari,” ameeleza Askofu Kilaini.

Amezitaja baadhi ya shule za Kanisa Katoliki zilizoharibika kuwa ni pamoja na shule ya wasichana ya Hekima ambapo mabweni yameanguka, shule ya Ihungo iliyojengwa mwaka 1949 nayo imaharibika na kanisa lake limebomoka na nyumba ya mapadri.

Akizungumzia namna ya kusaidia maafa hayo Askofu Kilaini amesema kuwa, kila Askofu anajaribu kuweka mikakati ya namna anavyoweza kusaidia maafa hayo ili kufanikisha lile linalowezekana kwa sasa.

“Kwa upande wa jimbo la Bukoba tunaanza kuangalia kanisa la Kashozi ambalo linaweza kuanguka  wakati wowote . Tunataka kukarabati ili lisianguke na kufanya juhudi mapadri wa Kashozi na Ihungo wapate pa kulala".

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more