Dkt. Kikwete hatalisahau Kanisa Katoliki-Ridhiwani

-













Na Pascal Mwanache
LIKIELEKEA katika kufanya kilele cha Jubilei ya miaka 150 ya Uinjilishaji Tanzania Bara hapo Novemba 4, 2018, imeelezwa kuwa uwepo wa Kanisa Katoliki nchini na ujio wa wamisionari umekuwa mkombozi wa watanzania hasa katika sekta ya elimu na afya, ambapo familia ya Rais Mstaafu wa awamu ya nne Dkt. Jakaya Mrisho Kikwete imeweka wazi kuwa haitalisahau Kanisa Katoliki.
Hayo yameelezwa na Mbunge wa Chalinze na mtoto wa Dkt. Kikwete, Ridhiwani Kikwete, wakati akiongea na waamini wa Parokia ya Bikira Maria Mama wa Kanisa Kigurunyembe Jimbo Katoliki Morogoro, wakati wa Misa Takatifu ya Kutabaruku Kanisa hilo.
“Babu yangu mzee Mrisho Kikwete, ambaye kwa ufundi na utaalamu wake alioupata katika Kanisa Katoliki, hata walipokuja watawala wa kijerumani walimuona anafaa kuwa mmoja wa viongozi. Akachaguliwa kuwa wakili wa wajerumani katika shughuli zao pwani ya Afrika Mashariki, hata baadaye wanawe wakasoma katika mfumo huo huo hata wajukuu wake. Kwa mfano Jakaya Kikwete ambaye ni baba yangu mimi, amesoma Middle School katika shule ambayo kipindi hicho ilikua inaitwa Lugoba ambayo inaendeshwa na Kanisa Katoliki mpaka leo hii. Kwa hiyo Kanisa Katoliki lina mchango mkubwa katika familia yangu” ameeleza Ridhiwani.
Akielezea historia ya kuingia kwa ukristo nchini, Ridhiwani amesema kuwa Bagamoyo ina historia kubwa katika Tanzania kwa kuwa historia ya Kanisa Katoliki inaanza na historia ya ujio wa wamisionari waliotokea Re-union na kisha kufika Zanziba na baadaye wakavuka maji hadi Bagamoyo walikousimika msalaba.
“Tokea kipindi hicho kwa ushuhuda kabisa tumeendelea kuneemeka kwa Kanisa Katoliki katika nyanja mbalimbali. Mimi mwenyewe katika historia ya maisha yetu, ni moja kati ya familia zinazosimama mbele yenu hapa kutoa shukrani zangu kwa Kanisa Katoliki”. Amesema.
Akitoa homilia yake katika Misa hiyo Askofu Mkuu wa Jimbo Kuu Katoliki Dar es salaam Mwadhama Polycarp Kardinali Pengo amesema kuwa utakatifu wa kanisa ni lazima utokane na wa waamini hivyo kuwataka waamini wa Parokia hiyo kujitakasa ili matumizi ya kanisa hilo yalete maana kusudiwa.
“Jengo hili litakuwa tu takatifu kulingana na utakatifu wa mwenendo wenu. Mkilitumia kwa matumizi tofauti mtakuwa mmekufuru. Hivyo basi, kanisa hili litakuwa na maana kutokana na sisi waamini tunaoingia hapa” amesema Kardinali Pengo.
Kanisa hilo la Parokia ya Kigurunyembe limetabarukiwa na Kardinali Pengo na limetumia takribani miaka 10 hadi kukamilika kwake ambapo mwaka 2013 Dkt. Kikwete aliongoza harambee ya ujenzi wa Kanisa hilo iliyofanikisha kupatikana kwa Tsh. Milioni 200, huku Dkt. Kikwete akichangia Milioni 70.


Comments

  1. UnknownFriday, July 27, 2018 12:34:00 PM

    Asante Mungu kwa kufanikisha kutabarukiwa kwa kanisa letu la Bikira Maria Mama wa Kanisa.

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more