Picha zenye maudhui ya ngono kichocheo maambukizi ya ukimwi

-
Wazee Wilayani Kondoa wameiomba Serikali kudhibiti picha zenye maudhui ya ngono katika mitandao ya Kijamii kwa lengo la kusaidia kupunguza maambukizi mapya ya UKIMWI.
Wamesema picha hizo zisizo kuwa na maadili zinawachochea vijana  kujiingiza katika matendo yanayosababisha maambukizi ya UKIMWI.
Wazee hao wameyasema hayo wakati wa mafunzo ya siku moja kwa wazee wa mila pamoja na viongozi wa dini yaliyoandaliwa na Wizara ya Afya Idara Kuu ya Maendeleo ya Jamii kwa lengo la kuwafundisha kuhusu  ukubwa watatizo la UKIMWI kwa vijana na kuwataka kusaidia kupambana na tatizo hilo katika jamii kupitia nafasi zao.
Mzee Mohamed Hussein Kola akitoa maoni yake katika kikao hicho amesema hata siku mmoja hakuna mtu aliyefikishwa mbele ya sheria kwa kuambukiza mwenzake ukimwi kwa makusudi pamoja na uwepo wa sheria ya ukimwi hapa Nchini.
Mzee Kola ameangazia pia suala la malezi na kusema kwamba vijana hawaheshimu tena mawazo ya wazee na kudai kuwa kila mzee akitoa maoni yake vijana wanasema mawazo ya mzee nayo yamepitwa na wakati na kudai kuwa hata kwa baadhi ya mafunzo ya magonjwa mbalimbali yanapotolewa wazee wamekuwa hawashirikishwi.
Mzee Haruna Ramadhani Dodi pia ameongeza kuwa vijana wadanganyana kupuuza uwepo wa maambukizi ya ukimwi na kudai kuwa watakufa kishujaa huku akiwataka kupuuza mawazo hayo kwani hakuna mtu aliyewahi kufa kishujaa.
 Pia ametahadharisha jamii na serikali juu ya uwepo wa maeneo ya biashara za kumbi za starehe kuwa zinachangia uwepo wa maambukizi. 
Taarifa hizi kwa wazee hao zilikuwa za kushtua kwani idadi ya maambukizi ya ukimwi kwa vijana inazidi kupaa na hii imeelezwa na Afisa Maendeleo Mkuu kutoka Wizara ya Afya Idara Kuu Maendeleo ya Jamii Matias Haule aliyesema kuwa watanzania 200 wanapata maambukizi mapya ya ukimwi kwa siku.
Aidha Bwana Haule ametoa takwimu hizo na kuongeza kuwa maambukizi haya kwa mwaka ni kiasi cha watu elfu 72 akiitaja idadi ya watu inayoambukizwa kwa mwezi kuwa watu elfu 6,000 na kushangaza wazee hao kwa kusema kwa vijana wenye umri kati ya miaka 15-24 maambukizi mapya kwao 79 na kati yao wasichana wanaombukizwa ni 63 hivyo idadi kubwa ya wasichana inaambukizwa ukilinganisha na wavulana.
Wizara ya Afya Maendealeo ya Jamii kwa Kushirikiana na TACAIDS pamoja na Shirika la TASAF wako Mkoani Dodoma kutembelea wasichana na wanawake vijana pamoja na Shule mbalimbali Mkoani humo kwa lengo la kuhamasisha vijana juu ya tishio jipya la maambukizi ya ukimwi kwa vijana na zoezi hilo litaendelea kwa Mkoa wa Morogoro na baadae nchi nzima.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more